Francesiña

Este artigo fala dun cogomelo, para o sándwich típico da cociña lusa véxase: francesinha.

Francesiña
Nome taxon     Amanita citrina Christiaan Hendrik Persoon 1797  Nome curto     A. citrina (mul)
Instancia de taxon  Categoría taxonómica especie  Sinónimo substituído Agaricus citrinus  Sinónimo taxonómico Amanita mappa var. alba Amanita citrina var. mappalis Amanita citrina var. eucitrina Amanita citrina var. vulgaris Agaricus citrinus Agaricus mappa Amanita citrina var. alba Amanita citrina var. grisea Amanita venenosa var. alba Amanita mappa var. citrina Amanita citrina var. brunneoverrucosa Amanita mappa var. tenuipes Amanita bulbosa var. olivacea Amanita bulbosa var. citrina Amanita mappa
Características  Cor da espora branco
Clasificación taxonómica
Superreino Holomycota  Reino Fungi  Filo Basidiomycota  Clase Agaricomycetes  Orde Agaricales  Familia Amanitaceae  Xénero Amanita  Especie Amanita citrina (Pers., 1797) Amanita citrina
Códigos e identificadores Freebase /m/0cfd9g OTT 1067404 CoL 5TZD4 EOL 6065449
Wikidata G:Commons C:Commons

A francesiña (Amanita citrina) é un fungo basidiomiceto da orde Agaricales, que habita tanto en bosques de coníferas como de follosas. É unha especie termófila, que non está habituada aos climas fríos. Adóitase atopar en solos areentos, que son acedos e pobres en nutrientes. Forma asociacións micorrícicas, preferentemente con coníferas. O corpo frutífero abrolla dende finais do verán até finais do outono. O seu sabor é desagradábel, polo que non se lle considera un cogomelo comestíbel.

Morfoloxía

Detalle das lamelas e do anel nunha francesiña en Commanster, Bélxica.

O corpo frutífero está rematado por un chapeu de entre 5 e 10 centímetros de diámetro, de forma hemisférica en exemplares novos e achatada en cogomelos máis desenvolvidos. Presenta unha cor amarela limón moi pálida, que pode variar cara ao verde amarelento ou o averdado. Tamén pode ser completamente branco. A miúdo presenta unha tona con restos do veo, que forma grandes placas —brancas, amarelentas ou pardentas—. Posúe unha cutícula xelatinosa e que se desprende con facilidade. As marxes do chapeu son lisas e as lamelas son ceibas e prietas, de cor branca ou amarelentas. O pé mide entre 10 e 12 centímetros de longo e entre 1 e 1,5 de largo, branco amarelento, e posúe un amplo anel amarelento, con superficie estriada. A volva é de gran tamaño, cilíndrica cun bordo cortado moi característico. A carne é branca, amarelenta na zona inmediatamente inferior á cutícula, e non ten valor como comestíbel, polo seu mal sabor.

Posibilidades de confusión

É posébel confundir a francesiña con exemplares brancos da especie cacaforra da morte (Amanita phalloides), así como coa cacaforra fedorenta (Amanita virosa), ambas as dúas moi tóxicas.

Véxase tamén

Outros artigos

• Amanita (xénero)