Claude Monet

Na Galipedia, a Wikipedia en galego.
Claude Monet
Claude Monet en 1899.
Nome Oscar-Claude Monet
Nacemento 14 de novembro de 1840
Lugar París
Falecemento 5 de decembro de 1926 (86 anos)
Lugar Giverny Flag of France.svg Francia
Nacionalidade francesa
Cónxuxe(s) Camille Doncieux
Alice Hoschedé
Eido pintura
Adestramento Charles Gleyre
Movemento Impresionismo
Traballos Impresión, sol nacente
As ninfeas
Monet autograph.png
Impresión, sol nacente (1874).

Claude Monet tamén coñecido como Oscar-Claude Monet ou Claude Oscar Monet, nado en París o 14 de novembro de 1840 e finado en Giverny, Francia, o 5 de decembro de 1926, foi un pintor impresionista francés.

Traxectoria[editar | editar a fonte]

Nos anos inmediatamente anteriores á guerra de 1870 un grupo de pintores, Monet, Camille Pissarro, Alfred Sisley e Pierre Auguste Renoir sitúanse á marxe de calquera remedo das tendencias precedentes e realizan unha nova pintura, que un crítico denominou despectivamente impresionismo, inspirándose no título dunha obra de Monet exposta en 1874, Impresión, sol nacente.

Regatas en Argenteuil (1874). A xustaposición de pinceladas de distinta cor busca lograr que a retina compoña logo as verdadeiras tonalidades que conduza a un novo realismo.

Monet foi o pintor máis orixinal e principal representante das conquistas técnicas e estéticas do grupo. Sen os matices políticos ou sociais dos realistas, por medio dunha concepción estritamente pictórica, Monet busca a realidade cromática e formal baixo os efectos da luz. Na base da súa arte está o desligarse do estudo de pintura, buscando o aire libre para pintar e o colorido claro; a luz transforma e altera as cores e tamén as propias formas, de tal xeito que a paisaxe e os seus elementos xorden como visións instantáneas que non se volverán repetir. Unha preocupación primordial para Monet vai ser o estudo dos reflexos da luz na auga (coma na súe serie de óleos As ninfeas), que ten unha consistencia real semellante á dos elementos reflectidos. Esta linguaxe acadou a súa maior pureza nos anos que pasou en Argenteuil (1872-1878).

Véxase tamén[editar | editar a fonte]

Commons
Commons ten máis contidos multimedia sobre: Claude Monet