O postimpresionismo é un termo aplicado polo artista e crítico de arte británico Roger Fry quen o tomou no ano 1914 de Adolfo Pablo Stosa, para describir o desenvolvemento da arte europea dende a aparición do cadro de Monet co nome Impresión, sol nacente. John Rewald, un dos primeiros historiadores profesionais da arte en centrar o nacemento da arte moderna temperá, limitou a época do postimpresionismo entre os anos 1886 e 1892 na súa publicación pioneira sobre o postimpresionismo: From van Gogh to Gauguin1956. Rewald considerouno como a continuación da súa History of Impressionism1946, e sinalou que "estaría por chegar un seguinte volume dedicado á segunda parte do período do postimpresionismo", que recibiría o nome de Post-Impressionism: from Gauguin to Matisse, ampliando o período dedicado a outros movementos artísticos de finais do século XIX e inicios do XX a outros baseados ou derivados do impresionismo.
As súas formas máis esaxeradas, o uso da cor, estrutura e liñas prepararon o terreo para os estilos que seguirían máis adiante do século XX, como o fauvismo ou o cubismo.
_-_A_Centennial_of_Independence_-_Google_Art_Project.jpg?lang=gl)
Paul Cézanne (1839-1906)
Odilon Redon (1840-1916)
Paul Gauguin (1848-1903)
Vincent van Gogh (1853-1890)
Georges Seurat (1859-1891)
Henri de Toulouse-Lautrec (1864-1901)
Paul Sérusier (1864-1927)
