Carne bovina

Na Galipedia, a Wikipedia en galego.
Saltar para a navegação Saltar para a pesquisa
Costela de boi crúa.

A carne bovina é a carne extraída dos bovinos, especialmente do gando doméstico. É unha das variedades de carne máis consumidas en Europa, en América e en Australia, e moi importante na alimentación de poboacións de África, Asia Oriental e sueste asiático. A carne bovina é un tabú culinario nalgunhas culturas; o seu consumo está prohibido polo hinduísmo, relixión que reverencia os bovinos, e está desaconsellado polos budistas.

A carne muscular pode ser cortada en filetes, en pezas, desfiada ou moída. O sangue bovino tamén é utilizado nalgunhas das variedades de morcillas. Outras partes que se consumen son o rabo, a lingua, a tripa (do seu estómago), diversas glándulas, como o páncreas, o timo, agás do corazón e do cerebro (prohibido onde existe o risco da encefalopatia esponxiforme bovina, a popular 'doenza da vaca-louca'), o fígado, os riles e os testículos do touro (carne especialmente suave, coñecida nos Estados Unidos como "ostras das Montañas Rochosas" ou "ostras da pradaría"), e até mesmo os intestinos e as ubres. Os ósos bovinos son aproveitados pola medula espiñal e como caldo.

Os Estados Unidos, o Brasil, o Xapón e a China son os catro maiores consumidores de carne bovina.[1] Os maiores exportadores de carne bovina son Australia, o Brasil, a Arxentina e o Canadá.[2] A produción de carne tamén é importante para a economía do Uruguai, Nicaragua, Rusia e México.

Notas[editar | editar a fonte]

  1. "Major Countries Beef Production and Consumption" (PDF). Consultado o 3 de maio de 2008.  Departamento de Agricultura dos Estados Unidos da América (PDF)
  2. "World Beef Overview". Consultado o 3 de maio de 2008.  Departamento de Agricultura dos Estados Unidos da América