Camiño Inglés

Na Galipedia, a Wikipedia en galego.

O camiño inglés é a vía do camiño de Santiago usada polos peregrinos procedentes das Illas Británicas e doutros portos do norte de Europa, que chegaban ós portos da Coruña e Ferrol para emprende-lo camiño rumbo sur cara Santiago de Compostela.

O camiño inglés ao seu paso pola Ponte Baxoi, no concello de Miño.

Trazado da ruta[editar | editar a fonte]

Ruta dende Ferrol[editar | editar a fonte]

Albergue de peregrinos de Betanzos na Casa da Pescadería.

A ruta dende Ferrol pode dividirse en cinco etapas:[1]

  • 1ª etapa: Ferrol - Neda
  • 2ª etapa: Neda - Miño
  • 3ª etapa: Miño - Bruma
  • 4ª etapa: Bruma - Sigüeiro
  • 5ª etapa: Sigüeiro - Compostela
Poboación Provincia A Santiago
(km)
Ferrol A Coruña 110
Narón 102
Neda 96
Fene 93
Cabanas 85
Pontedeume 82
Miño 71
San Pantaleón das Viñas, Paderne 66
Betanzos 59
Abegondo 48
Bruma, Mesía 37
Ordes 26
Sigüeiro (Oroso) 14
Santiago de Compostela 0

Ruta dende A Coruña[editar | editar a fonte]

Igrexa de Santiago na Coruña
Igrexa de Santiago de Sigrás

A ruta dende A Coruña pode dividirse en tres etapas:

A pesar de que a ruta entre A Coruña e Compostela é menor de 100 km o cabido compostelán concedeu en decembro de 2016 a posibilidade de recibir a Compostela aos peregrinos que realicen este percorrido.[3][4]

O camiño parte da igrexa de Santiago na Cidade Vella e atravesa logo A Pescadería pola rúa Real e Os Cantóns. Atravesa logo cara a Catro Camiños e abandona a cidade por Eirís de Arriba, Pedralonga e a estrada N-550.[5] A continuación atravesa o concello de Culleredo polo paseo marítimo do Burgo, pasando polos muíños de Acea de Ama ata a igrexa de Santiago, preto da ponte do Burgo[6] . Bordea logo o castro de Alvedro e cruza o río Valiñas pola ponte da Xira.[7] Segue logo ata o antigo cruceiro de Sigrás e diríxese ao peto de ánimas de santo Antón e á igrexa de Santiago, onde existía un hospital de peregrinos, hoxe casa reitoral. Continúa bordeando os pazos de Loriga, Drozo e Anceis para entrar no concello de Carral,[8] onde se atopa o albergue de Sergude, inaugurado no 2014.[9] Despois de cruzar Sarandós únese ao camiño que procede de Ferrol nas Travesas.[10]

Poboación Provincia A Santiago
(km)[11]
A Coruña A Coruña 74,9
O Burgo, Culleredo 64,9
Sigrás 60,4
Bruma, Mesía 41,3
A Calle 29,5
Sigüeiro (Oroso) 16,5
Santiago de Compostela 0

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • El Camino de Santiago. Antón Pombo. Ed. Anaya Touring. 2004.
  • El Camino Inglés. Ed. Consellería de Cultura. Xunta de Galicia. 1999.
  • Itinerario de la Ruta Jacobea Camino Inglés. Asociación Galega de Amigos do Camiño de Santiago. Ed. Deputación da Coruña. 1999.

Ligazóns externas[editar | editar a fonte]