Wikipedia:Borrar

Na Galipedia, a Wikipedia en galego.

Na operación diaria da Wikipedia, gran cantidade de artigos bórranse cada día. É posible para calquera usuario baleirar unha páxina. Cando iso ocorre o contido orixinal mantense dispoñible no historial de edicións da páxina para que outros usuarios poidan recuperalo se así o desexan. Cando as páxinas se borran, iso elimina non só a versión actual, senón tamén as versións previas.

Só os administradores teñen a posibilidade de borrar e recuperar páxinas borradas no sistema. Coa versión actual do sistema de borrado (meta:deletion management redesign), os administradores necesariamente teñen que sopesar con coidado os efectos da súa decisión. Vostede pode estar seguro de que os administradores seguen o proceso detallado abaixo antes de tomar unha decisión.

As páxinas borradas poden ser recuperadas polos administradores. Se se produce un borrado accidental, é relativamente sinxelo restablecer o contido perdido.

Os administradores deben actuar con prudencia sendo conscientes do poder que ostentan. En caso de dúbida... non borre!

Procedemento para borrar[editar | editar a fonte]

Se a páxina non encaixa nas categorías expostas en eliminación rápida, entón non poden borrarse sen antes pasar sete días en Wikipedia:Votacións para borrar.

Que facer cando hai un problema nunha páxina, imaxe ou categoría?[editar | editar a fonte]

Realmente a páxina corresponde a Votacións para borrar? Lea as seguintes dúas táboas para saber que facer cando xurda un problema.

Problemas polos que non se necesita borrar a páxina
Problema Solución Engada este marcador
Artigo escrito nunha lingua estranxeira.
Engadir na lista Wikipedia:Traducir. {{Nongalego}}
Unha rama menor dun tema que non merece un artigo independente.
Combinar o contido útil nun artigo máis apropiado e redirixir á páxina orixinal.  
Artigos con información repetida nalgún outro artigo.
Combine e redirixa. Se vostede non acaba de saber como facelo, póñao na lista Wikipedia:Artigos duplicados e engada o marcador da dereita. {{Fusión|[[artigo]]}}
O artigo necesita moitas melloras e traballo de reescritura. Na lista Wikipedia:Artigos con problemas.  
Dous ou máis temas teñen o mesmo nome.
Cree unha páxina de homónimos. {{Homónimos}}
Vandalismo ou erros e inexactitudes.
Revirta e mencióneo en Wikipedia:Taboleiro dos administradores/Vandalismo.  
Problemas que implican borrar a páxina
Problema Solución Engada este marcador
  • Materiais orixinais.
  • Páxinas de usuario inapropiadas.
  • Vaidade persoal.
  • Publicidade ou spam.
  • Falta de potencial para convertese nun artigo enciclopédico.
  • Un asunto completamente extravagante.
Propoñer en Wikipedia:Votacións para borrar. {{Vpb}}
Definicións de dicionario
Na lista Wikipedia:Mover ao Wikcionario. {{Wikt}}
O artigo é un texto orixinal.
Mover o texto ao Wikisource. {{Source}}
Páxina de usuario inapropiada.
Fale co usuario e, se iso non funciona, volva aquí.  
O artigo está proposto para unha eliminación rápida.
Engadir á Categoría:Limpar (Poñendo o marcador da dereita na páxina é suficiente). {{lixo}} ou {{lixoporque|razón}}

Mensaxe "Proposto para borrar"[editar | editar a fonte]

Cando inclúa unha páxina en Wikipedia:Votacións para borrar, resulta conveniente e cortés poñer un aviso para que os usuarios coñezan que está proposta para borrar. A forma suxerida é engadir o marcador {{Vpb}} por riba do contido, facendo que a páxina sexa engadida automaticamente á categoría Borrar e facendo tamén que se amose a seguinte mensaxe:

Con isto evítase que os lectores non saiban ou descoñezan o que está sucedendo.

  • Esta mensaxe non é precisa para páxinas que:
  1. Non teñan contido (como unha redirección).
  2. Non teñan un historial significativo. Véxase eliminación inmediata para páxinas que non requiran pasar polo proceso Wikipedia:Votacións para borrar.

Comentar unha proposta de eliminación[editar | editar a fonte]

Cando calquera usuario propón un artigo para borrar nunha das listas, calquera outro pode engadir un comentario á petición. Ao expresar unha opinión, por favor inclúa a súa opinión, as súas razóns, e asine e poña a data con ~~~~ (están dispoñibles na parte superior e inferior da caixa de edición). Antes dos comentarios debe ir algún destes marcadores:

  • {{Borrar}} que daría Symbol delete vote.svg Borrar
  • {{Manter}} que daría Symbol keep vote.svg Manter
  • {{Neutro}} que daría Symbol neutral vote.svg Neutro
  • {{Comentario}} que daría Symbol comment vote.svg Comentario (non é un voto).
    • Tamén pode facer outras accións como:
      • redirixir a [[este artigo]].
      • combinar con [[este artigo]] e redirixir.
      • mover ao Galizionario / Meta / ou outro sitio GFDL.

Teña en conta que combinar con [[outro artigo]] e borrar só é unha opción válida se a información do autor do contido se conserva dalgún xeito.

Política de borrado[editar | editar a fonte]

Para solicitar que unha páxina (ou imaxe) sexa permanentemente borrada, a petición feita en Wikipedia:Votacións para borrar, e os votos e comentarios sobre a páxina teñen que facerse de boa fe. Ao cabo de sete días, se existe un consenso sólido (en torno a unha maioría de 2/3), a páxina bórrase. En caso contrario a páxina permanece. A páxina tamén permanece se as razóns que fixeron que estivera proposta para suprimir xa non existen.

Se vostede sospeita que un voto procede dun usuario con identidades múltiples ou outro participante non válido, rexístreo como un comentario xunto cos enlaces precisos. O administrador que revise a discusión investigará e decidirá se se toma en conta o voto ou non. Aínda que sexa así non quite vostede ningún voto para evitar discusións inútiles.