Toei Animation

Toei Animation Company, Limited (東映アニメーション株式会社, Tōei Animēshon Kabushiki-gaisha^?) é un estudio de animación xaponesa propiedade da empresa Toei Company, Limited. O estudio foi fundado o 23 de xuño de 1948 como Japan Animated Films (Nihon Dōga Eiga (日本動画映画^?), a miúdo abreviado a Nichidō Eiga (日動映画^?). En 1956, Toei comprou o estudio e incorporouno baixo o seu nome actual. A través dos anos, o estudio creou un vasto número de series de televisión, películas e adaptou varias tiras cómicas de renomeados autores a series animadas, moitas delas populares a nivel mundial. Hayao Miyazaki (A viaxe de Chihiro), Isao Takahata (A tumba das luciérnagas), Leiji Matsumoto (Space Battleship Yamato) e Yoichi Kotabe traballaron coa empresa no pasado. Toei é accionista da cadea de televisión por satélite Animax, en conxunto con outros importantes estudios de animación, tales como Sunrise, TMS Entertainment e Nihon Ad Systems, Inc. A sede central da compañía está situada no Estudio Ohizumi en Nerima, Toquio.^[1]^[2]^[3]^[4]

Ata 1998, a compañía foi coñecida como Toei Doga (東映動画株式会社, Tōei Dōga Kabushiki-gaisha^?) (aínda que mesmo nese momento, o nome formal da compañía en Inglés era "Toei Animation Company, Limited."), con "dōga" sendo a palabra xaponesa para "animación" a cal foi usada amplamente até os anos setenta. A súa mascota é o Gato Pero, protagonista da adaptación animada que a compañía fixo do Gato con Botas en 1969.

Toei Animation realizou versións animadas de historietas de lendarios autores, tales como Go Nagai (Mazinger Z), Eiichiro Oda (One Piece), Shotaro Ishinomori (Kamen Rider), Masami Kurumada (Saint Seiya), Akira Toriyama (Dragon Ball), Leiji Matsumoto (Galaxy Express 999), Kyoko Mizuki (Candy Candy) e Naoko Takeuchi (Sailor Moon), entre outras. O estudio tamén axudou a impulsar a popularidade dos xéneros magical girl e Super Robot. Dentro das súas series máis lendarias e que marcaron tendencias, atópanse Mahoutsukai Sally, a primeira serie de xénero magical girl, adaptación animada do manga homónimo creado por Mitsuteru Yokoyama e Mazinger Z adaptación animada do manga creado por Go Nagai', o cal sentou as bases do xénero Super Robot nos vindieros anos.

Aínda que Toei Company xeralmente permite Toei Animation manexar os seus traballos oficiais de animación, en ocasións pódense contratar a outras empresas para proporcionar a animación no seu nome, como Sunrise en sériea Robot Romance Trilogy, Toei Company manexou a produción total, pero o traballo de animación foi realizado por Sunrise no seu lugar.

As series de animación creadas por Toei Animation que gañaron o premio Animage Anime Grand Prix award foron Galaxy Express 999 en 1981, Saint Seiya en 1986, e Sailor Moon en 1992.

Ademais da produción de anime para a súa distribución nacional no Xapón, Toei Animation tamén proporcionou animación para varias longametraxes e series de televisión de empresas estadounidenses, remontándose até a década de 1960, pero sobre todo nos anos oitenta cando máis exteriorizaron o seu traballo de produción.

Historia[editar | editar a fonte]

A casa foi creada tras a adquisición pola Toei de Nichido Eigasha, o estudio fundado en 1948 por Taiji Yabushita, Sanae Yamamoto, Yasuji Mori e outros, as cinzas da gloriosa Nihon Dogasha, que fracasou en 1951. Grazas á excelente impresión causada por un curto chamado Ukare violín, realizado por Nichido encargado polo Departamento de Educación de Cine da mesma Toei en 1955, o entón presidente Hiroshi Okawa ofreceuse a vender o estudio polas dificultades económicas, polo que todo o persoal foi adquirido e incluiríanse nunha empresa de recente creación, a Toei Dōga (東映動画, Tōei Dōga^?), antiga palabra xaponesa para "animación".

Dende a súa fundación en 1957, Toei produciu un gran número de series de televisión e películas, moi populares en todo o mundo, incluído a primeira longametraxe en cor da historia da animación xaponesa, a historia da Serpe Branca, en 1958.

Dende 1998, a Toei Dōga cambiou de nome por Toei Animation, que hoxe tamén é accionista da canle satélite xaponés de anime, Animax. Cos seus actuais 462 empregados é o verdadeiro coloso da animación xaponesa. Nese mesmo ano Toei tratou de facer unha adaptación de yu-hi-oh do manga ao anime a cal terminou por fracasar debido a que a serie se afastou da esencia que tiña o manga e debido a que non tivo boa recepción; nunca saíu de Xapón cara a América e Europa.

Toei é coñecido fóra do Xapón pola súa división de animación e a súa financiamento por Battle Royale.

Hayao Miyazaki, Isao Takahata, e Yoichi Kotabe traballaron todos coa compañía no pasado. Orixinalmente foron a resposta do Xapón a Disney con algunhas películas musicais animadas luxosamente, producidas dende finais dos 50' até principios dos 70'. A competición da televisión forzou a Toei a adoptar un estilo que é máis estándar no mundo actual do anime.

Unha das series de anime creada por Toei, Ojamajo Doremi é a segunda que máis éxito tivo despois de Sailor Moon. As súas producións do Tokusatsu máis famosas son Kamen Rider, Super Sentai e Metal Hero.

E as series americanas como os Power Rangers por Saban Entertainment (1993 ao 2002), BVS Entertainment (2003 ao 2010) e Saban Brands (2011 - En diante), e Kamen Rider Dragon Knight por Adness Entertainment e Facu Dragon Knight.

Apertura nos seus vídeos[editar | editar a fonte]

Na apertura dos vídeos de Toei podemos apreciar un crebaondas sobre o que se sobrepón un triángulo equilátero, representando o triángulo que forman o tres rochas do crebaondas, coas esquinas redondeadas, de cor branca e coas grafías xaponesas 東映 que corresponden á palabra "Toei". Este crebaondas sitúase á altura do Faro Inubosaki na cidade de Chōshi, Prefectura de Chiba, Xapón^[5] (千葉県銚子市犬吠埼).[1]^{[Ligazón morta]}

En referencia a esta apertura, Akira Toriyama no seu traballo máis coñecido, Dragon Ball Z, fai unha chiscadela no capítulo 210, coa apertura dun vídeo dunha cadea de televisión chamada ZTV que utiliza unha apertura similar nos seus vídeos. Outra chiscadela podémola ver no capítulo 125 de Dragon Ball no que Ten Shin Han adéstrase nun crebaondas que está igual debuxado.

O debut do estudio[editar | editar a fonte]

O estudo Nihon Dōga (日本动画, Nihon Dōga^?) fundouse o 23 de xaneiro de 1948 situándose no distrito de Shinjuku en Toquio. Durante este período, o anime resta importancia ás producións de Disney nas salas de cine nipóns. En agosto de 1952, Nihon Dōga cambia de nome e convértese en Nichichidō Eiga (日动映画^?). Para competir con Disney no mercado nacional de animación, Toei compra en xullo de 1956 a Nichichidō Eiga e cámbialle o nome ao estudio por Toei dōga (东映动画, Tōei Dōga^?). O estudio lanza a súa primeira produción en maio de 1957: Koneko non rakugaki (Grafiti dun gatiño), unha curtametraxe de 13 minutos dirixida por Yasuji Mori e Taiji Yabushita. Este último levará a cabo xunto con Kazuhiko Okabe a película da Serpe Branca, a primeira longametraxe de Toei Dōga estreada en outubro de 1958. Debido ao seu éxito, esta primeira longametraxe en cor tamén será distribuída en EE.UU. en xullo de 1961.

Nos anos 60', Toei Dōga produce unha media dunha longametraxe por ano e, a partir de 1963, series animadas producidas para a televisión. Primeiramente prodúcense en branco e negro, pero a partir de abril de 1967 prodúcense en cor. A mediados de 1960, o estudio vese sacudido pola folga de varios empregados que se queixan das malas condicións de traballo e os baixos salarios. Entre os folguistas, podemos ver a Hayao Miyazaki, ou Isao Takahata. É tamén durante este período no que Toei participa nun concurso xunto co estudo Mushi Production de Osamu Tezuka que duraría até o colapso de Mushi a principios do ano 1970.

Os anos 70[editar | editar a fonte]

A principios de 1970, Toei comeza a reducir a súa produción de longametraxes e céntrase máis na produción de series de televisión, que grazas á difusión masiva da televisión nos fogares xaponeses, permítelles chegar a un público bastante amplo. O estudo adápta rapidamente, as series de manga cada vez teñen máis éxito en revistas como Shonen Magazine e sobre todo na Shonen Jump. Entre os mangas adaptados, cabe sinalar os creados por Gō Nagai autor de Mazinger Z e, sobre todo de UFO Roubo Grendizer. Como Goldorak, un gran número de series producidas durante este período por Toei Animation transmitiríanse en Occidente, estando entre as series máis populares, Candy Candy, Mazinger Z ou Calimero.

Os anos 80[editar | editar a fonte]

Ao longo dos anos 80 (a coñecida como época dourada do anime), Toei mantén a súa política baseada na produción en masa de series para televisión. As producións de películas orixinais son cada vez máis escasas e atópanse desprazadas desde mediados dos 80' por longametraxes das súas series máis exitosas. Despois de Gō Nagai e Leiji Matsumoto, é Akira Toriyama quen ve o seu manga fortemente adaptado por Toei Animation. Despois de Dr. Slump, emitido durante 5 anos e adaptado en varias películas, é a quenda de Dragon Ball (tamén de Akira Toriyama) para ser adaptado polo estudo de televisión. Comezado en 1986, Dragon Ball, cuxas secuelas se distribuirán até 1997 experimentará un éxito sen precedentes en Xapón e en todo o mundo. Entre as series destacadas nesta década atopamos tamén Saint Seiya ou Hokuto non Ken.

Os anos 90[editar | editar a fonte]

En 1992 Toei, estrea un anime que obtivo un éxito rotundo tanto no Xapón coma en todo o mundo Sailor Moon de Naoko Takeuchi, o cal se terminou en 1997.

O final da década dos 90' foi un período de dificultades para o estudio que loita por atopar novos valores e obxectivos. A serie Jigoku Sensei Nube e Kindaichi Shounen no Jikenbo experimentan un éxito relativo.

En outubro de 1998, Toei Dōga cambia de nome e conviertese en Toei Animation (東映アニメーション^?).

Con todo, en 1999 o estudio cun aire renovado lanza series de éxito como One Piece, Digimon ou Magical Doremi consolidándose como un dos estudos de animación xaponesa máis importantes.