One Piece

Esta páxina contén texto en xaponés. Se o seu navegador non está axeitadamente configurado pode ver caracteres estraños.

One Piece
Formato	Aventuras, Acción, Comedia, Drama, Shōnen
Creado por	Eichiro Oda
Intérpretes	Animación
País de orixe	Xapón
Número de episodios	Aínda en emisión (578)
Produción
Duración	24'x Cap.
Distribuidor	Arait Multimedia
Emisión orixinal
Canle de orixe	Fuji TV
Formato de imaxe	4:3 / 16:9
Tempo de emisión	20 de outubro de 1999 – ? de ? de 2???
Ligazóns externas
Páxina web

One Piece (ワンピース, Wanpīsu^?) é unha serie xaponesa de manga e anime de Eichiro Oda. Pertence ao xénero de aventuras e acción (shonen).

Historia

O manga comezou a súa publicación o 4 de agosto de 1997 na revista semanal Shūkan Shōnen Janpu e ata o 31 de outubro de 2012 apareceron 687 capítulos que se publican tamén como tankōbon, polo de agora 65. A serie de televisión, producida por Toei Animation, principiou a súa emisión en 1999 e ata o 2012 leva emitidos 578 episodios. En Galicia a TVG emite a serie dentro do espazo Xabarín Club.

One Piece presenta as aventuras de Monkey D. Ruffy, un adolescente de 17 anos que adquiriu habelencias sobrenaturais ao comer un froito do demo e que pretende conseguir o seu máis gran devezo, o gran tesouro One Piece o que o transformaría no Rei dos Piratas.

Sinopse

Monkey D. Ruffy comeu de neno, accidentalmente, un froito do demo. Ruffy, inspirado polo pirata Shanks, sae ao mar para atopar o gran tesouro "One Piece" e converterse así no Rei dos Piratas. Vinte e dous anos atrás, un pirata, Gol D. Roger, coñecido como o "Rei dos Piratas", foi executado, pero antes de morrer, falou acerca do seu famoso tesouro "One Piece". A súa morte propiciou o inicio da Era das Grandes Travesías, pois lanzou incontables corsarios na procura do tesouro perdido.

Ruffy converteuse nun deles, ansiando ser o próximo "rei" e levantando áncora para coñecer amigos e ter aventuras con eles, tendo como meta o ansiado tesouro.

Nas súas aventuras, Ruffy derrota a numerosos adversarios e, na súa viaxe pola Gran Ruta, coñece os diferentes personaxes que acaban formando parte da súa tripulación.

Personaxes

Artigo principal: Personaxes de One Piece.

Episodios

Artigo principal: Lista de episodios de One Piece.

Dobraxe

• Estudio: Sodinor S.A. (Vigo).
• Data: 2008-2012.
• Dirección: Matías Brea.
• Tradución: María Alonso Seisdedos.
• Reparto da dobraxe:

Personaxe	Actor de dobraxe	Actor orixinal (Seiyū)
Monkey D. Ruffy	Daniel Lema	Mayumi Tanaka
Zoro Rorona	Nacho Castaño	Kazuya Nakai
Nami	Montse Davila	Akemi Okamura
Usopp	Manuel Pombal	Kappei Yamaguchi
Sanji	Gaspar Somoza	Hiroaki Hirata
Nefertari Vivi / Miss Wednesday	Beatriz García	Misa Watanabe
Reni Reni Chopper	Charo Pena	Ikue Ootani
Nico Robin / Miss All-Sunday	Teresa Santamaría	Yuriko Yamaguchi
Coby	Ana Lemos	Mika Doi
Helmeppo	Antón Olmos	Koichi Nagano
Shanks	Óscar Fernández	Shuichi Ikeda
Gol D. Roger	Antón Cancelas	Chikao Ohtzuka
Capitán Fumeta	Alfonso Valiño	Ginzo Matsuo / Mahito Oba
Tashigi	Xermana Carballido	Noda Junko
Capitán Buggy	Andrés Bellas	Shigeru Chiba
Alvida (gorda)	Amelia Rodríguez	Yoko Matsuoka
Alvida (fraca)	Miriam Aldrei	Yoko Matsuoka
Zeff Pés Vermellos	Alfonso Valiño	Koji Yada
Don Krieg	Luís Iglesia	Tachiki Fumihiko
Ollos de Falcón	Xosé Tanas	Takeshi Aono
Nojiko	Isabel Vallejo	Wakana Yamazaki
Bellemere	Teresa Santamaría	Noriko Hidaka
Arlong	Miguel Pernas	Jurota Kosugi
Mr. 3	Matías Brea	Nobuyuki Hirayama
Miss Goldenweek	Helena Amoedo	Akiko Nakagawa
Mr. 0 / Crocodilo	Gonzalo Faílde	Ryuzaburo Otomo
Mr. 2 / Bon Clay	Antón Rubal	Kazuki Yao
Wapol	Paco Barreiro	Bin Shimada
Portgas D. Ace	Gelos Rosado	Toshio Furukawa
Koza	Chema Gagino	Takeshi Kusao
Mr. 1	Óscar Fernández	Tetsu Inada

Música de One Piece

Artigo principal: Música de One Piece.

Véxase tamén

Ligazóns externas

• One Piece Páxina oficial (en xaponés)
• One Piece na páxina da TVG