Robert Smith
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2014.) |
_crop.jpg) (2012)  | |
| Biografía | |
|---|---|
| Nacemento | (en) Robert James Smith 21 de abril de 1959 (65 anos)Blackpool (Reino Unido) |
| Datos persoais | |
| País de nacionalidade | Reino Unido |
| Educación | St Wilfrid's Catholic School, Crawley (en)  |
| Actividade | |
| Ocupación | cantautor , produtor , cantante , guitarrista , teclista |
| Período de actividade | 1982 - |
| Membro de | |
| Xénero artístico | Rock alternativo, Rock gótico, post-punk e new wave |
| Lingua | Lingua inglesa |
| Tesitura | Tenor |
| Instrumento | Guitarra, baixo, teclado electrónico, violín, violoncello, Harmónica, voz e baixo |
| Selo discográfico | Geffen Records Hansa Universal Music Group Polydor Records |
| Familia | |
| Cónxuxe | Mary Poole (1988–) |
Sinatura  | |
        | |
Robert James Smith, nado en Blackpool o 21 de abril de 1959, é guitarrista, vocalista e compositor do grupo inglés de rock The Cure. É o seu líder e único membro permanente dende a formación da banda en 1976.
Smith toca, ademais da guitarra, o baixo de 6 cordas e os teclados. O seu peculiar e enleado xeito de tocar a guitarra e o uso innovador dos efectos de flanger, chorus e phaser fixeron que fose considerado un guitarrista pioneiro no new wave e o indie rock. Robert tamén tocou na banda Siouxsie & the Banshees.
Traxectoria[editar | editar a fonte]
Smith naceu en Blackpool (Lancashire). Criouse nunha familia católica de clase traballadora que se trasladou a Sussex. Estudou na Notre Dame Middle School e na St. Wilfrid's Comprehensive School en Crawley, e con 14 anos formou o seu primeiro grupo co seu irmán Richard e a súa irmá Janet.
Tivo a súa primeira guitarra eléctrica como regalo de Nadal e recibiu algunhas clases. Comezou a versionar cancións da época cos seus amigos Lol Tolhurst e Michael Dempsey. En outubro de 1976 a banda, chamada Malice e que xa contaba con Porl Thompson, comezou a ensaiar máis en serio e a realizar algún concerto. En xaneiro de 1977 a banda tomou o nome de "Easy Cure", e participou nun concurso de maquetas. Días máis tarde recibiron un telegrama onde lles convocaban para unha audición en Londres. Asinaron co selo Hansa, que finalmente rexeitou gravar o tema "Killing an Arab" e en agosto de 1978 reuníronse con Polydor, xa co nome The Cure, e naceu o seu primeiro álbum, Three Imaginary Boys.
Estética[editar | editar a fonte]
Smith axudou a popularizar o estilo gótico coa súa imaxe habitual comosta por beizos pintados de vermello, pel pálida, o seu cabelo cardado negro, roupas tamén negras e zapatillas de deporte; unha estética que comezou a usar a principios dos anos 80.
As súas composicións para os primeiros álbums da banda centrábanse en temas como a depresión, a soidade e o illamento. O estado de ánimo sombrio deses traballos, xunto co seu comportamento no escenario, cementaron a imaxe gótica da banda.
A estética de The Cure pasou de sombría a psicodélica co seu álbum The Top. En 1986, Smith alterou a súa imaxe, aparecendo nos concertos e nas fotos promocionais co pelo curto de punta e vestindo polos.
