Patrice Evra

Patrice Evra

Biografía
Nacemento	(fr) Patrice Latyr Evra 15 de maio de 1981 (42 anos) Dakar, Senegal
Datos persoais
País de nacionalidade	Francia Senegal
Altura	173 cm
Peso	74 kg
Actividade
Ocupación	futbolista
Período de actividade	1998 - 2019
Lingua	Lingua francesa
Nacionalidade deportiva	Francia
Deporte	fútbol
Liga	Premier League
Posición de xogo	Lateral (pt)
Traxectoria   Equipo 1998-1999 Marsala Football Club (en) 24 (3) 1999-2000 A.C. Monza (pt) 3 (0) 2000-2002 Olympique Gymnaste Club Nice Côte d'Azur 40 (1) 2002-2006 AS Monaco FC 120 (2) 2006-2014 Manchester United F.C. 273 (7) 2014-2017 Juventus FC 53 (3) 2017-2017 Olympique de Marsella 15 (1) 2018-2018 West Ham United FC 5 (0)   Selección nacional 2002-2003   Francia sub-21 11 (0) 2004-2016   Francia 81 (0)
Participou en
2018	Eliminatórias da Copa do Mundo FIFA de 2018 - Europa (pt)
2016	Eurocopa de Fútbol Francia 2016
2014	Mundial de Fútbol Brasil 2014
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
xuño de 2008	Eurocopa de Fútbol Austria/Suíza 2008
	Middle East and Africa Summit 2022 (en)

Patrice Latyr Evra, nado en Dakar o 15 de maio de 1981, é un futbolista senegalés nacionalizado francés.

Traxectoria

Patrice Evra é fillo dun diplomático, chegou axiña a Europa por Bruxelas onde o seu pai foi enviado cando el era moi novo. Foi criado en Les Ulis, departamento de Essonne, en Francia onde viviu dende 1984 até 1998. Evra empezou a súa carreira como futbolista no equipo xuvenil do Paris Saint-Germain antes de pasar ao S. C. Marsala, equipo da Serie C de Italia, onde comezou a facerse un nome e foi alcumado A Gacela Negra. A seguinte tempada xogaríaa no Monza da Serie B.

Foi traspasado ó Olympique de Niza e logo ó A. S. Monaco en 2002. No Monaco, Patrice foi parte do equipo que se coroou campión da Copa da liga de Francia e que chegou á final da liga de Campións da UEFA en 2004. Evra asinou un contrato co Manchester United o 10 de xaneiro de 2006 por preto de 5,5 millóns de libras e tres anos e medio de duración, proveniente do Monaco; xusto despois da adquisición de Nemanja Vidić. Fixo o seu debut o 14 de xaneiro cunha derrota por 3-1 contra o Manchester City na Premier League.

Fixo a súa primeira actuación en Old Trafford ante o Liverpool cunha vitoria por 1-0. Evra tivo dificultades en adaptarse ó estilo inglés, pero demostrou o seu gran rendemento na tempada 2006-07. O 29 de novembro de 2006, marcou o seu primeiro gol no equipo ante o Everton F.C. Recuperado dunha lesión, volveu ó campo de xogo o 10 de abril de 2007, no famoso partido da liga de Campións da UEFA ante a A. S. Roma, onde colaborou no 7-1 final. Posteriormente, gañaría a UEFA Champions League nesa mesma tempada, o título máis importante da súa carreira no Manchester United. O 21 de xullo de 2014, dáse por oficial a fichaxe de Evra pola Juventus de Turín. Tras dous anos e medio alí, decide abandonar a Vecchia Signora por falta de continuidade no último tempo, polo que a finais de xaneiro de 2017 acorda a súa saída e recala no Olympique de Marsella, marcando así o seu retorno a Francia.

O 2 de novembro do 2017 foi expulsado nun partido do Marsella fronte ao Vitória Guimaraes pola Europa League 2017-18, porque no quecemento, pateou na cara a un afeccionado. Días despois foi despedido do Olympique de Marsella e sancionado sete meses pola UEFA.

O 7 de febreiro do 2018 confírmase a súa fichaxe polo West Ham United da Premier League inglesa até o final da mesma tempada, con todo o 24 de maio do mesmo ano rescinde o seu contrato co club quedando libre ós 37 anos.