Mundial de Fútbol Suíza 1954

Copa do Mundo de Fútbol 1954 FIFA Fußball-Weltmeisterschaft 1954 Schweiz Championnat du Monde de Football 1954 Campionato mondiale di calcio 1954
Detalles do torneo
Organizador	Suíza
Datas	16 de xuño – 4 de xullo
Equipos	16 (de 45 participantes)
Sedes	6 (de 6 cidades)
Resultado
Campión	Alemaña Occidental
Subcampión	Hungría
Terceiro	Austria
Cuarto	Uruguai
Estatísticas
Partidos	26
Goles	140 (5,38 por partido)
Asistencia	889.500 (34.212 por partido)
Goleador	Sándor Kocsis (11)
Mellor xogador
Mellor porteiro
Xogo limpo
◄◄ Brasil 1950      Suecia 1958 ►►

O mundial de fútbol celebrado en Suíza en 1954 foi o primeiro mundial onde se transmitiron partidos por televisión. A selección de fútbol de Hungría era o equipo favorito, tras catro anos sen coñecer a derrota. Tralos primeiros partidos onde golearon a Corea do Norte por 9 a 0 e a Alemaña do Oeste por 8 a 3, dábase por feito que os maxiares ían levarse o trofeo sen moito esforzo. As súas estrelas eran Puskas, Kocsis, Czibor e Hideguti. Incomprensiblemente na final perderon contra Alemaña do Oeste por 3 a 2, despois de ir gañando por 2 a 0 ó descanso. Entre as razóns desta derrota hai unha que destaca: Puskas xogou este encontro co nocello mancado. Aínda así marcou un gol que sería anulado por un dubidoso fóra de xogo. Aínda que non hai probas, foi moi comentada a esaxerada forma física coa que os xermanos xogaron este encontro, erguendo sospeitas de dopaxe. É curioso que despois do encontro varios xogadores foran enviados a casas de repouso para repoñerse do esforzo. O máximo anotador foi o húngaro Kocsis con 11 tantos.