Mercedes-Benz HighPerformanceEngines
 |
|
| Fundación | 1983 |
|---|---|
| Matriz | Mercedes-Benz |
| Localización | Brixworth, Northamptonshire, Reino Unido |
| Fundador | Mario Illen, Paul Morgan |
| Industria | Automóbil |
| Produtos | Motores de F1 |
| Páxina web | http://www.mercedes-benz-hpe.com |
Mercedes-Benz HighPerformanceEngines Ltd. (anteriormente coñecido como Mercedes-Ilmor e na tempada 2012 como Mercedes AMG High Performance Powertrains) é unha compañía británica fabricante de motores de Fórmula Un, propiedade de Mercedes-Benz. Desde 1995, os seus motores foron os motores dos coches McLaren de Fórmula Un. Na tempada 2009, Mercedes-Benz tamén forneceu de motores a Brawn GP e Force India. Desde 2010, Mercedes fornece a McLaren, Force India e o novo equipo de Mercedes-Benz, Mercedes GP (formado polo equipo Brawn GP, que Mercedes comprou logo do final da tempada 2009).
Índice |
Antecedentes [editar]
Ilmor foi fundada polo Mario Illien e Paul Morgan en 1983, como unha compañía británica independente fabricante de motores de Fórmula Un. O nome da empresa foi tomado dos apelidos dos fundadores. Nun principio comezou a construír motores para IndyCars co diñeiro do dono do equipo de IndyCar e fabricante de chasis Roger Penske.
Daimler-Benz adquiriu 25% de Ilmor que pertenecía a Chevrolet en 1993. No ano 2002 Daimler AG aumentou a súa participación ao 55% e o nome da empresa pasou a ser Mercedes-Ilmor. En 2005 Daimler converteuse no único propietario de Ilmor e renombrou a empresa como Mercedes-Benz HighPerformanceEngines Ltd.
Ao mesmo tempo, a pequena parte da empresa dedicada a Proxectos Especiais, que desde 2003 fora contratada para deseñar e construír motores para a Indy Racing League de Honda, separáronse para converterse nunha empresa independente, propiedade de Mario Illien e Roger Penske. Esta nova empresa, que é totalmente independente de Mercedes, é coñecida como Ilmor Engineering Ltd.
Historia [editar]
En 1991 Ilmor entrou na Fórmula Un como provedor de motores do equipo Leyton House (antes March). En 1992, Leyton House cambiou de novo seu nome a March e continuou utilizando os motores Ilmor. Ilmor tamén fabricou motores para o equipo Tyrrell nese ano. Impulsado por un motor V10 Ilmor, Tyrrell anotou 8 puntos, e March 3 puntos.
Ilmor xa tiña un bo nome na F1, polo que o equipo Sauber sportscar e Mercedes-Benz que estaban planeando a súa entrada na Fórmula Un asinaron un acordo con Ilmor. Con todo, Mercedes deu un paso atrás no proxecto cos únicos motores que levaban o lema "Concept by Mercedes-Benz" e o motor chamouse oficialmente Ilmor.
Ilmor converteuse no provedor de motores de McLaren en 1995. A asociación tivo a súa primeira vitoria no Gran Premio de Australia de 1997. Mika Häkkinen logrou o campionato de pilotos en 1998 e 1999, e o equipo gañou o campionato de construtores en 1998. Despois de non gañar na tempada 2006, McLaren recuperouse e gañou o campionato de pilotos en 2008 con Lewis Hamilton.
En 2001 Paul Morgan morreu, na aterraxe do seu avión de época no aeródromo Sywell, en Northamptonshire. Isto levou a Mercedes-Benz a aumentar a súa participación financeira en Ilmor, cambiando o nome a Mercedes-Ilmor Ltd.
