Brawn GP
 |
|
| Nome completo | Brawn GP Formula One Team |
|---|---|
| Bandeira coa que compite |  Reino Unido |
| Base en | Brackley, Northamptonshire, Reino Unido |
| Xefe de Equipo | Ross Brawn |
| Director Técnico |  Jörg Zander |
| Pilotos | 22. Jenson Button 23.  Rubens Barrichello |
| Pilotos de probas | Alexander Würz Anthony Davidson |
| Chasis | BGP001 |
| Motor | Mercedes Benz FO 108W |
| Pneumáticos | Bridgestone |
| Debut | Gran Premio de Australia de 2009 |
| Carreiras | 17 |
| Campionatos de Construtores | 1 (2009) |
| Campionatos de Pilotos | 1 (2009) |
| Vitorias | 8 |
| Pole positions | 5 |
| Voltas Rápidas | 4 |
| Puntos totais | |
| Clasificación en 2009 | 1º |
Brawn GP Formula One Team, formalmente Brawn GP Limited, foi unha escudería británica de Fórmula 1 que gañou o Campionato Mundial de Construtores de Fórmula 1 en 2009.
Formouse o 6 de marzo de 2009, despois de que se confirmase que Ross Brawn, ata entón director técnico de Honda F1, comprara o equipo de F1 de Honda. Previamente, os enxeñeiros de Super Aguri incorporáronse a este equipo, por mor da retirada da marca xaponesa da Fórmula 1 en maio de 2008.
Brawn GP fixo o seu debut no Gran Premio de Australia de 2009 co inglés Jenson Button e o brasileiro Rubens Barrichello como pilotos. Naquela carreira os seus pilotos conseguiron as dúas primeiras posicións de clasificación e de carreira.
O equipo utilizou motores de Mercedes. A pesar das dificultades iniciais, o equipo conseguiu varios patrocinadores conforme avanzaba a tempada, incluíndo Virgin, MIG Investments, Henri Lloyd e PerkinElmer.
Ao finalizar a tempada, Brawn GP converteuse no primeiro equipo da historia desta categoría en conseguir o Campionato Mundial de Construtores e o Campionato Mundial de Pilotos no mesmo ano do seu debut. Jenson Button acabou primeiro da clasificación de pilotos e Rubens Barrichello, terceiro.
O 16 de novembro do 2009 a empresa alemá Mercedes-Benz, en colaboración con Aabar Investimentos, anunciou a compra do 75,1% do equipo Brawn GP, polo cal pasou a chamarse Mercedes GP, e convertendo a Brawn GP na escuadra con mellores estatísticas da historia da Fórmula 1
| Os monoprazas de Brawn GP | |||||||||||||||
| BGP001 - 2009 | |||||||||||||||
