Maximilian zu Wied-Neuwied

Na Galipedia, a Wikipedia en galego.
Infotaula de personaMaximilian zu Wied-Neuwied

Editar o valor em Wikidata
Nome orixinalAlexander Philipp Maximilian von Wied-Neuwied
Biografía
Nacemento23 de setembro de 1782 Editar o valor em Wikidata
Neuwied, Sacro Imperio Romano Xermánico
Morte3 de febreiro de 1867 Editar o valor em Wikidata (84 anos)
Neuwied, Confederación Xermánica
Datos persoais
País de nacionalidadealemá
Actividade
Campo de traballoEtnoloxía e historia natural Editar o valor em Wikidata
Lugar de traballo Brasil Editar o valor em Wikidata
Ocupaciónexplorador, etnólogo, naturalista e zoólogo
Membro de
Influencias
Pseudónimo literarioBaron von Braunsberg Editar o valor em Wikidata
LinguaLingua alemá Editar o valor em Wikidata
Obra
Abreviación dun autor en botánicaWied-Neuw. Editar o valor em Wikidata
Arquivos en
Outro
TítuloConde Editar o valor em Wikidata
PaisFriedrich Karl zu Wied-Neuwied  e Luise Fürstin von Wied-Neuwied
Sinatura
Editar o valor em Wikidata
WikiTree: Zu_Wied-Neuwied-3

Maximilian zu Wied-Neuwied, nado en Neuwied o 23 de setembro de 1782 e finado na mesma vila o 3 de febreiro de 1867, foi un nobre (era príncipe) e explorador, etnólogo, naturalista e zoólogo alemán. Seguindo o exemplo de Alexander von Humboldt, emprendeu dúas expedicións de varios anos a América. Nas súas numerosas publicacións, fixo importantes achegas á botánica, zooloxía e etnoloxía do Brasil e de América do Norte. A Universidade de Jena concedeulle un doutoramento honoris causa en 1858. Máis de 50 nomes científicos de xéneros e de especies levan o seu nome e lembran as súas investigacións.

Traxectoria[editar | editar a fonte]

Foi o segundo fillo do príncipe Johann Friedrich Alexander de Wied-Neuwied. O seu interese pola historia natural foi fomentada pola súa nai, Luise Fürstin e, máis tarde, ao frecuentar a Universidade de Gotinga, por Johann Friedrich Blumenbach.

Enrolouse no exército prusiano e foi feito prisioneiro na batalla de Jena, en outubro de 1806. Unha vez liberado, retornou ao exército, ascendendo até o grao de maior-xeneral en 1814, cando se retirou.[1]

Tivo amizade con dúas das figuras da nova ciencia natural, Johann Friedrich Blumenbach, antropólogo comparativo importante con quen estudou ciencias biolóxicas, e Alexander von Humboldt, que foi o seu mentor.

Wied conduciu unha expedición ao Brasil suroriental desde 1815 até 1817. Nestes tres anos estudou a flora e a fauna locais, así como as nacións amerindias da selva do norte de Río de Janeiro.[1] Estivo acompañado polo ornitólogo do sur de Frankfurt Georg Wilhelm Freyreiss e polo botánico berlinés Friedrich Sellow. Ao seu retorno, escribiu Reise nach Brasilien (1820-21) e Beiträge zur Naturgeschichte von Brasilien (1825-33).

En 1832 viaxou á rexión das grandes chairas de Norteamérica acompañado polo pintor suízo Karl Bodmer nunha viaxe polo río Missouri, escribindo Reise in das Innere Nord-Amerikas (1840) ao seu regreso. Durante o seu percorrido estudou as culturas de tribos tales como a dos Mandans e os Hidatsas, así como a flora e a fauna da área. Tamén viaxou a Honduras.

O príncipe Maximiliano recolleu moitos datos da etnografía e moitos espécimes da flora e a fauna das zonas exploradas, que aínda se conservan nas coleccións dos museos, especialmente no Lindenmuseum de Stuttgart.[1]

Monumento a Maximilian zu Wied-Neuwied en Mount Vernon Gardens, Omaha, Nebraska, Estados Unidos
Indio a cabalo. Acuarela de Maximilian zu Wied-Neuwied (1833 ou 1834)

Algunhas obras[editar | editar a fonte]

  • Reise nach Brasilien in den Jahren 1815 bis 1817 (1820)
  • Beiträge zur Naturgeschichte Brasiliens (1824)
  • Beiträge zur Naturgeschichte von Brasilien (1830-1831)
  • Maximilian Prince of Wied’s Travels in the Interior of North America, during the years 1832 – 1834 (Londres: Achermann & Comp., 1843-1844)
  • Brasilien, Nachträge, Berichtigungen, Zusätze (1850)
  • Unveröffentlichte Bilder und Handschriften zur Völkerkunde Brasiliens (Bonn: Josef Röder e Hermann Trimborn, 1854)
  • Maximilian Prince of Wied’s Travels in the Interior of North America, during the years 1832 – 1834. En: Early Western Travels, 1748-1848, 1906, (vols. 22-25) de Reuben Gold Thwaites

Honores[editar | editar a fonte]

Entre moitos outros, dedicáronse a Wied-Neuwied:

Epónimos[editar | editar a fonte]

Xéneros
Especies

Abreviaturas[editar | editar a fonte]

Notas[editar | editar a fonte]

  1. ↑ 1,0 1,1 1,2 NEU-WIED, Alexander Maximilian na Appletons' Cyclopædia of American Biography.
  2. ↑ Nov. Pl. Expos. 12. 1833 [Aug-Dec 1833]; later publ.: Tijdschr. Natuurl. Gesch. Physiol. 1: 140 1834 (IK)
  3. ↑ Ind. Sem. Hort. Gotting. (1835); ex Ann. Sc. Nat. Ser. II. vi. 1836 101 (IK)
  4. ↑ Fl. Bras. (Martius) 9: 106 (IK)
  5. ↑ Gartenwelt 1928, xxxii. 644 (IK)
  6. ↑ Todos os xéneros e especis descritos por Maximilian zu Wied-Neuwied no IPNI.

Véxase tamén[editar | editar a fonte]

Bibliografía[editar | editar a fonte]

  • David C. Hunt, William J. Orr & W. H. Goetzmann, edits. (1984): Karl Bodmer's America. Omaha, Nebraska: Joslyn Art Museum. ISBN 0-8032-1185-6.
  • John C. Ewers et al. (1984): Views of vanishing frontier Omaha, Nebraska: Joslyn Art Museum. ISBN 978-0-9363-6413-1.
  • Marsha V. Gallagher et al. (1996): Karl Bodmer's eastern views: A Journey in North America. Omaha, Nebraska: Joslyn Art Museum. ISBN 978-0-9363-6426-1.
  • Karl Bodmer [Brandon K. Ruud, edit.] (2004): Karl Bodmer's North American Prints. Omaha, Nebraska: Joslyn Art Museum. ISBN 978-0-8032-1326-5.


Traído desde «https://gl.wikipedia.org/w/index.php?title=Maximilian_zu_Wied-Neuwied&oldid=6264081»