KoЯn

Na Galipedia, a Wikipedia en galego.
Korn Logo Black PNG.png
Korn MTV Asia Awards 2006.jpg
O grupo nos premios MTV Asia do 2006
Orixe Bakersfield, California, Estados Unidos de América Estados Unidos
Período 1993 - Actualidade
Xénero(s) Nu metal
Selo(s) discográfico(s) Sony BMG
Epic Records
EMI
Membros Jonathan Davis
Reginald "Fieldy" Arvizu
James "Munky" Shaffer
Antigos membros David Silveira
Brian "Head" Welch
Na rede
www.korn.com

KoЯn é unha banda de nu metal de Bakersfield, California, Estados Unidos. Xunto con outros grupos da época, inspiraron a moitos dos grupos de nu metal e metal alternativo dos 90 e os comezos do 2000[1]. O grupo conseguiu debutar nove veces consecutivas entre os dez primeiros da lista de éxitos Billboard[2].

Ata o día de hoxe o grupo vendeu máis de 30 millóns de álbums no mundo enteiro, sendo 16 millóns e medio os vendidos nos Estados Unidos[3], e foi nominado 6 veces aos premios Grammy, gañando dous deles[4].

Están considerados por moitos coma os creadores do xénero nu metal, aínda que nunha entrevista a Jonathan Davis este afirmou:

Non somos un grupo de metal ou nu-metal, somos Korn. Ese é só un termo que non significa nada

Historia[editar | editar a fonte]

Formación (1993-1995)[editar | editar a fonte]

Korn formouse trala disolución do grupo L.A.P.D. Reginald Arvizu, James Shaffer, e David Silveria decidiron continuar coma grupo, xuntándose co guitarrista Brian Welch e buscando un cantante. Jonathan Davis uníuse a eles en 1993 e púxeronlle o nome de Korn ao novo grupo.

Máis tarde en 1993, comezaron a traballar co produtor Ross Robinson, gravando o EP Neidermeyer's Mind ese mismo ano. Contiña catro temas: "Predictable", "Blind", "Daddy", e "Alive". Paul Pontius de Immortal/Epic Records firmou un contrato con eles, e comezaron a traballar no seu primeiro LP Korn. "Blind" foi o primeiro sinxelo do álbum.

O disco foi lanzado o 11 de outubro de 1994, pero o grupo tivo moi pouco apoio das cadeas de radio e televisión, pero conseguiron un gran número de fans[1]. Gracias ao apoio destes fans o grupo acadou o número 72 na lista de éxtios Billboard en 1996[2]. A súa primeira nominación aos Grammy foi polo tema "Shoots and Ladders"[5].

Life Is Peachy (1996-1997)[editar | editar a fonte]

O segundo disco do grupo, Life is Peachy, foi lanzado o 15 de outubro de 1996, tendo un son máis escuro que o seu disco anterior [6]. Tamén gravaron dúas versións, Low Rider do grupo War, e Wicked de Ice Cube, esta última xunto ao vocalista Chino Moreno do grupo Deftones.

Life Is Peachy vendeu máis de 106.000 copias na primeira semana e acadou o número 3 na lista de éxitos Billboard[2]. O primeiro sinxelo, "No Place to Hide" recibíu unha nominación aos Grammy[5]. "A.D.I.D.A.S." foi o segundo sinxelo. O título parece facer referencia á marca de roupa Adidas, pero realmente é un acrónimo do "All Day I Dream About Sex" (en inglés: "Soño todo o día có sexo").

A popularidade do grupo medrou ao encabezar o festival de música Lollapalooza de 1997 xunto ao grupo Tool, aínda que non puideron asistir xa que a Munky diagnosticóuselle unha meninxite[7].

A finais de 1997, Korn formou o seu propio sélo discográfico, "Elementree Records", asinando a grupos coma Videodrone e Orgy.

Follow the Leader (1998-1999)[editar | editar a fonte]

Korn sacou o seu terceiro álbum Follow the leader o 18 de agosto de 1998, no que participaron tamén outros cantantes coma Ice Cube, Tre Hardson, Fred Durst do grupo Limp Bizkit e o actor Cheech Marin no tema agochado "Earache My Eye".

O disco tivo un gran éxito, debutando no número 1 da lista Billboard con 268.000 copias vendidas na súa primeira semana.[8]. Os sinxelos deste álbum foron "Got the Life" e "Freak on a Leash". "Got the Life" foi o primeiro videoclip retirado na histria da MTV[9].

"Freak on a Leash" gañou un Grammy polo mellor video musical e unha nominación á mellor actuación de hard rock[10]. O vídeo tamén recibíu nove nominacións aos premios da MTV, nas categorías de vídeo do ano, mellor vídeo de rock, mellor dirección e mellores efectos especiais entre outras, gañando dous dos premios[11].

No mesmo ano o grupo comezou unha xira anual chamada Family Values Tour. Korn encabezaba a xira xunto a Incubus, Orgy, Limp Bizkit, Ice Cube, e Rammstein. En 1999, Limp Bizkit encabezou a xira xunto a Primus, Staind, The Crystal Method, Method Man & Redman, e Filter. Korn non aparecían no cartel e só facían aparicións sorpresa nesta edición.

Issues (1999-2001)[editar | editar a fonte]

O cuarto álbum do grupo Issues, producido por Brendan O'Brien, saíu ao mercado o 16 de novembro de 1999. O deseño da portada realizouno Alfredo Carlos tras gañar un concurso da MTV[12]. O disco debutou no número 1 da lista Billboard con máis de 573.000 copias vendidas[13]. Anteriormente Korn aparecera nun episodio de South Park, no que sonou o primeiro sinxelo de Issues, "Falling Away from Me"[14].

Take a Look in the Mirror e Greatest Hits (2003-2005)[editar | editar a fonte]

O sexto álbum do grupo, Take a Look in the Mirror saíu ao mercado o 21 de novembro do 2003,[15]. Eles mesmos produciron o álbum, e lanzaron os sinxelos "Right Now", "Y'All Want a Single" e "Everything I've Known". O álbum foi número 9 na lista Billboard, vendendo unhas 179.000 copias na súa primeira semana.

O disco de grandes éxitos do grupo, Greatest Hits, Volume 1, saíu á venda o 5 de outubro do 2004, debutando no número 4 da lista Billboard e vendendo máis de 129.000 copias. Os dous sinxelos do disco foron o primeiro unha versión do tema "Word Up!" de Cameo, e o segundo unha versión da canción de Pink Floyd "Another Brick in the Wall".

Posteriormente Brian "Head" Welch anunciou que deixaba o grupo argumentando:

Escollín ao señor Xesucristo coma o meu salvador, e dedicarei os meus obxectivos musicais para ese fin[16]

See You on the Other Side (2005-2006)[editar | editar a fonte]

O álbum See You on the Other Side foi lanzado ao mercado o 6 de decembro de 2005, debutando no número 3 na lista Billboard, permanecendo entre os 100 primeiros da lista durante 34 semanas consecutivas. O primeiro sinxelo foi "Twisted Transistor", sendo Dave Meyers o director do vídeo musical. Neste, os rapeiros Xzibit, Lil' Jon, Snoop Dogg e David Banner facíanse pasar polos integrantes de Korn.

O anuncio da volta do Family Values Tour fíxose o 18 de abril do 2006, compartindo cartel con Deftones, Stone Sour, Flyleaf, e Dir en grey[17]. Korn e Evanescence encabezaron o cartel na edición do 2007, xunto a Atreyu, Hellyeah, e Trivium[18].

Membros[editar | editar a fonte]

Antigos Membros[editar | editar a fonte]

Discografía[editar | editar a fonte]

Notas[editar | editar a fonte]

  1. 1,0 1,1 "Korn review". All Media Guide. http://wm11.allmusic.com/cg/amg.dll?p=amg&sql=10:j9fuxquhld6e~T1. Consultado o 2007-10-11. (en inglés)
  2. 2,0 2,1 2,2 "Artist Chart History". Billboard. http://www.billboard.com/bbcom/retrieve_chart_history.do?model.chartFormatGroupName=Albums&model.vnuArtistId=121196&model.vnuAlbumId=828526. Consultado o 2007-10-03. (en inglés)
  3. "Top Selling Artists". RIAA. http://www.riaa.com/goldandplatinumdata.php?resultpage=2&table=tblTopArt&action=. Consultado o 2007-11-04. (en inglés)
  4. "Premios Grammy". All Media Guide. http://wm11.allmusic.com/cg/amg.dll?p=amg&sql=11:gxfpxqegld0e~T52. Consultado o 2007-12-06. (en inglés)
  5. 5,0 5,1 "Grammy Awards: Best Metal Performance". Rock on the Net. http://www.rockonthenet.com/grammy/metal.htm. Consultado o 2007-09-03.
  6. "Life Is Peachy". All Media Guide. http://wm11.allmusic.com/cg/amg.dll?p=amg&sql=10:gxfoxqlhld0e. Consultado o 2007-12-06. (en inglés)
  7. "KoRn non asiste ao Lollapalooza pola enfermidade do seu guitarrista". MTV. 1997-08-01. http://www.mtv.com/news/articles/1431015/19970801/korn.jhtml. Consultado o 2007-10-03.
  8. "Korn Tops Album Heap In Chart Debut". MTV. 1998-08-26. http://www.mtv.com/news/articles/1430996/19980826/korn.jhtml. Consultado o 2007-10-03. (en inglés)
  9. "Hall of Fame". The TRL Archive. http://www.atrl.net/trlarchive/?s=halloffame. Consultado o 2007-10-03. (en inglés)
  10. "42 edición dos Grammy - 2000". Rock on the Net. http://www.rockonthenet.com/archive/2000/grammys.htm. Consultado o 2007-10-03.
  11. "1999 MTV Video Music Awards". Rock on the Net. http://www.rockonthenet.com/archive/1999/mtvvmas.htm. Consultado o 2007-10-03. (en inglés)
  12. "Korn pide aos fans deseñar a portada do seu disco". MTV. 1999-09-17. http://www.mtv.com/news/articles/1430971/19990917/korn.jhtml. Consultado o 2007-10-03. (en inglés)
  13. "Korn Tops On Album Chart". MTV. 1999-11-24. http://www.mtv.com/news/articles/1428109/19991124/dion_celine.jhtml. Consultado o 2007-10-03. (en inglés)
  14. "Korn To Premiere New Track During "South Park" Special". MTV. 1999-10-11. http://www.mtv.com/news/articles/1430968/19991011/korn.jhtml. Consultado o 2007-10-03. (en inglés)
  15. "Korn lanza Take A Look In The Mirror". MTV. 2003-11-17. http://www.mtv.com/news/articles/1480466/20031117/korn.jhtml. Consultado o 2007-10-03. (en inglés)
  16. "Brian 'Head' Welch deixa o grupo". MTV. 2005-02-22. http://www.mtv.com/news/articles/1497313/20050222/korn.jhtml. Consultado o 2007-10-03. (en inglés)
  17. "Korn resucita o Family Values Tour con Deftones e Stone Sour". MTV. 2006-04-18. http://www.mtv.com/news/articles/1528963/20060418/korn.jhtml. Consultado o 2007-10-03. (en inglés)
  18. "Korn, Evanescence e Hellyeah no cartel do Family Values Tour". MTV. 2007-03-26. http://www.mtv.com/news/articles/1555661/20070326/korn.jhtml. Consultado o 2007-10-03. (en inglés)

Véxase tamén[editar | editar a fonte]

Commons
Commons ten máis contidos multimedia sobre: KoЯn

Ligazóns externas[editar | editar a fonte]