Deftones
| Deftones | |
|---|---|
 |
|
| Información | |
| Orixe | Sacramento, California,  |
| Período | 1988 - actualidade |
| Xénero(s) | metal alternativo, nu metal, rock experimental, post-metal |
| Selo(s) discográfico(s) | Warner Music, Maverick Records |
| Membros | Chino Moreno Stephen Carpenter Abe Cunningham Frank Delgado Sergio Vega |
| Antigos membros | Chi Cheng |
| Web oficial | http://www.deftones.com |
Deftones é unha banda estadounidense de nu metal procedente de Sacramento (California) e fndada en 1988. Está considerada coma unha das bandas máis innovadoras de finais do século XX.
Índice |
Historia[editar]
O grupo formouse en Sacramento en 1988 cando os estudantes de secundaria Stephen Carpenter, Abe Cunningham e Chino Moreno empezaron a tocar xuntos. Pronto puideron investir moito diñeiro no grupo xa que Stephen foi atropelado por un condutor bébedo, o que lle proporcionou unha boa suma de cartos. Entón empezaron a ensaiar en pequenos locais e buscaron un baixista. Logo de probar cuns cantos, atoparon a Chi Cheng. Aínda que o grupo ao principio se baseaba moito no heavy metal, a principios dos 90 levaron o seu son un pouco máis lonxe, inspirados en bandas como Duran Duran, Depeche Mode, Bad Brains etc.
Unha demo de 4 cancións chamada (Like) Linus, é o único que tiñan antes de asinar coa discográfica de Madonna, Maverick Records. Co produtor Terry Date, que xa traballara con bandas da talla de Pantera ou Soundgarden, gravaron o debut do cuarteto, Adrenaline, que saíu á venda en outubro de 1995. O disco non foi un éxito inmediato así que a banda fíxose unha base de fans tocando en pequenos locais ou como teloneiros de grupos como Ozzy Osbourne, L7 ou Korn.
Cando as vendas de Adrenaline estaban chegando ás 200.000 copias os fans xa esperaban o seu segundo disco, Around The Fur, que saíu á venda en outubro de 1997, e que (esta vez si) os catapultou á fama cos sinxelos "My Own Summer (Shove It)" e "Be Quiet And Drive (Far Away)", ademais a lista de membros do grupo aumentou a 5 coa incorporación do dj Frank Delgado. En xuño de 2000 sae o seu terceiro álbum de estudo, White Pony, que volveu ser un éxito e demostrou que o quinteto non dubidaba á hora de experimentar co seu son.
En 2003 sae o seu cuarto disco, Deftones, no que seguiron experimentando, pero quizais non tanto como en White Pony, máis tarde víase unha separación por parte da banda cando alternaban cos seus proxectos paralelos, xa que a influencia que exercían nos integrantes de Deftones non lograban axustarse para unha nova produción.
En outubro de 2005 aparece nas tendas o quinto disco titulado B-Sides & Rarities, un disco recompilatorio que inclúe cancións raras e versións de grupos como Sade, Cocteau Twins ou The Cure, e un DVD con tódolos vídeos do grupo. Dito disco reflectía fisicamente a separación temporal da banda.
O 31 de outubro de 2006 a banda lanzou Saturday Night Wrist que debutou no poste 10 las lista de éxitos Billboard, alcanzando ventas de 76.000 discos, unha diminución significativa respecto os seus dous álbums previos. O 4 de maio de 2010 saíu ao mercado Diamond Eyes.
O 13 de abril de 2013 falecía Chi Cheng, baixista da banda, tras pasar máis de catro anos en coma despois de sufrir un accidente de tráfico en novembro do ano 2008[1].
Discografía[editar]
Álbums[editar]
| Data de lanzamento | Título | Selo discográfico |
| 1994/1995 | (Like) Linus | |
| 3 de outubro de 1995 | Adrenaline | Maverick Records / Warner Music |
| 28 de outubro de 1997 | Around the Fur | Maverick Records / Warner Music |
| 20 de xuño de 2000 | White Pony | Maverick Records |
| 20 de maio de 2003 | Deftones | Maverick Records |
| 4 de outubro de 2005 | B-Sides & Rarities | Rhino Entertainment / Maverick Records |
| 31 de outubro de 2006 | Saturday Night Wrist | Rhino Entertainment / Maverick Records |
| 4 de maio de 2010 | Diamond Eyes | Warner Bros./Reprise |
| 12 de novembro de 2012 | Koi No Yokan | Reprise Records |
Sinxelos[editar]
| Ano | Tema | Álbum |
|---|---|---|
| 1995 | "7 Words" | Adrenaline |
| 1996 | "Bored" | Adrenaline |
| 1997 | "My Own Summer (Shove It)" | Around the Fur |
| 1998 | "Be Quiet and Drive (Far Away)" | Around the Fur |
| 2000 | "Change (In The House Of Flies)" | White Pony |
| 2000 | "Back To School" | White Pony |
| 2001 | "Digital Bath" | White Pony |
| 2001 | "Street Carp" | White Pony |
| 2003 | "Minerva" | Deftones |
| 2003 | "Hexagram" | Deftones |
| 2006 | "Hole in the Earth" | Saturday Night Wrist |
Notas[editar]
Véxase tamén[editar]
Ligazóns Externas[editar]
|
|||||||||||
