Kālidāsa
| Kālidāsa कालिदास |
|
|---|---|
| Nacemento: | posiblemente no século IV |
| Falecemento: | posiblemente no século V no Imperio Gupta |
| Lingua: | sánscrito |
| Xénero(s): | drama sánscrito |
Kālidāsa (devanagarī: कालिदास "servo de Kali") foi un escritor en sánscrito clásico, considerado o máis grande dos poetas e dramaturgos nesa lingua.
Traxectoria[editar]
Non se sabe exactamente cando viviu, seguramente no período Gupta, entre os século IV e VI. Reputado como piadoso seguidor de Shiva, a súa escrita baséase na mitoloxía e filosofía hindú.
Pouco é o que se coñece da súa vida, das súas poesías dedúcese que era un brahmán, coñécense seis das súas obras, mais tradicionalmente sonlle atribuídas outras moitas. O drama Abhijñānaśākuntalam (o recoñecemento de Shakuntala) é a súa creación máis famosa, considerada unha das obras mestras da literatura india e unha das primeiras en se coñecer en Occidente, traduciuna William Jones ao inglés en 1789 e recibiu o recoñecemento de Goethe.
Tamén é moi popular o seu poema lírico Meghadūta ("a nube mensaxeira").
