Eurocopter Tiger
| Eurocopter Tiger | |
|---|---|
.jpg) | |
| Tipo | helicóptero de ataque |
| Fabricante | Eurocopter, Airbus Helicopters |
| Primeiro voo | 27 de abril de 1991 |
| Introducido | 2003 |
| Produción | 1991-presente |
| Unidades construídas | 135 (outubro de 2017) |
O Eurocopter Tiger (agora Airbus Helicopters) é un helicóptero de ataque de dous motores e catro palas que entrou en servizo no ano 2003. Comezou a fabricalo Eurocopter (hoxe en día Airbus Helicopters), a compañía sucesora das divisións de helicópteros de Aérospatiale e DASA, que o designou como o EC665. Debido ás súas linguas, en Alemaña e coñecido como Tiger, e en Francia e España como Tigre.
O desenvolvemento do Tiger comezou durante a guerra fría e inicialmente deseñouse como un helicóptero anti-carro para ser usado contra unha invasión terrestre soviética en Europa Occidental. Durante o seu prolongado período de desenvolvemento a Unión Soviética colapsou, pero Francia e Alemaña decidiron continuar co Tiger, desenvolvéndoo no seu lugar como un helicóptero de ataque multirol. O aparello tivo dispoñibilidade operativa no ano 2008.
O Tiger ten a distinción de ser o primeiro helicóptero feito totalmente de materiais compostos desenvolvido en Europa; incluso os primeiros modelos tamén incorporan outras características avanzadas como unha cabina de cristal, tecnoloxía furtiva, e unha gran axilidade para aumentar a súa supervivencia. Versións melloradas entraron en servizo dende entón, equipadas con motores máis potentes e compatibles cunha gama máis ampla de armas. Dende a súa entrada en servizo os Tigers foron usados en combate en Afganistán, Libia e Malí.