Eumetazoa

Eumetazoos
Bolinopsis infundubulum é un eumetazoo
Clasificación científica
Reino: Animalia Subreino: Eumetazoa
Ramas e filos
Rama Radiata Rama Bilateria

Os Eumetazoos ou (Eumetazoa) son os animais que presentan tecidos propiamente ditos; comprenden a totalidade dos metazoa, coa única excepción dos Parazoa (as esponxas, nas que en lugar de tecidos existe unha organización similar a unha colonia), os extintos Archaeocyatha, os Phagocytellozoa ou Placozoos, e os Mesozoos.

Características

Os eumetazoa caracterízanse por ter capas xerminativas, como son o ectodermo, endodermo e opcionalmente mesodermo, por formar auténticos tecidos a partir da especialización celular, pola posesión de órganos, e por ter unha cavidade dixestiva limitada por un orificio bucal, que pode perderse por adaptación ao parasitismo.

Dentro dos eumetazoa, a maioría pertence a rama dos Bilateria. Fóra deste só contan dous filos que presentan simetría radial, carecen de órganos propiamente ditos e teñen cavidades dixestivas cunha soa abertura, que cumpre funcións tanto de inxestión como de excreción. Estes son os Cnidaria, (que abarca as Anémonas, os corais e as medusas) e os Ctenophora.

Os Bilateria, pola súa banda, presentan simetría bilateral, órganos diferenciados e un corpo triploblástico, coas tres capas xerminativas ben diferenciadas.

Clasificación

• Eumetazoa
  • Radiata, Diblastica, Diploblastica, Coelenterata
    • Cnidaria
    • Ctenophora
  • Bilateralia, Triblastica, Triploblastica
    • Protostomia
    • Lofoforados
    • Deuterostomia

Véxase tamén

Ligazóns externas

• Bilateria. Tree of Life web project, US National Science Foundation. 2002. 6 Jan 2006. (en inglés)
• Invertebrates and the Origin of Animal Diversity (en inglés)
• Metazoa: the Animals (en inglés)