Ciclióforo

Ciclióforos
Clasificación científica
Reino: Animalia Phylum: Cycliophora
Clases
Clase Eucycliophora

Os ciclióforos (Cycliophora en latín portador de pequenas rodas, debido a unha pequena coroa que rodea a boca de ditos organismos) son un filo de animais descuberto en 1995 por Reinhardt Kristensen e Peter Funch da Universidade de Copenhagen na boca de Nephrops norvegicus. . Trátase dun grupo de seres mariños, triblásticos, acelomados, con simetría bilateral, que inclúe un único xénero, Symbion, con dúas especies Symbion pandora e Symbion americanus.

Características

Os zoólogos decidiron crear este filo xa que estes seres posúen un gran número de características que os diferencian doutros filos como a súa morfoloxía, a sexualidade, etc non encaixando con ningún dos actualmente existentes.

• Dende o punto de vista da súa sexualidade, este grupo presenta unhas características propias como son a presencia de tres tipos de formas: unha forma de maior tamaño asexuada, uns machos máis pequenos unidos as formas anteriores e unhas femias de tamaño intermedio.
• En canto o aparato dixestivo, os individuos presentan un embude bucal cunha coroa de cilios na parte superior do tronco coa misión de atrapar o alimento. O ser transparente, pódese apreciar no interior do seu corpo un tubo dixestivo que ten estrutura en U, estando o ano preto do embude.
• Na parte inferior do tronco obsérvanse xemas internas que corresponden a embrións en diferentes estados de desenvolvemento.
• O ciclo biolóxico pasa por unha fase asexual e outra fase sexual que acaba xerando unhas larvas que producen novos individuos asexuados.
• Viven adheridos as mandíbulas da cigala por un corto pedúnculo que remata nun disco adhesivo e o seu tamaño e inferior a 1 mm. de lonxitude.

Véxase tamén

• Cigala

Ligazóns externas

• O amigo microscópico da cigala (en inglés)
• Ciclyophora: un novo filo animal nos apéndices bucais da cigala (en castelán)