Delphinus (xénero)
| Delphinus Golfiños comúns | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Golfiños comúns
| |||||||||||||||||||||||||||
| Clasificación científica | |||||||||||||||||||||||||||
| |||||||||||||||||||||||||||
| Especies | |||||||||||||||||||||||||||
| |||||||||||||||||||||||||||
| Sinonimia | |||||||||||||||||||||||||||
| |||||||||||||||||||||||||||
Delphinus é un xénero de cetáceos odontocetos da familia dos delfínidos que comprende dúas especies coñecidas como golfiños comúns ou delfíns comúms.
Son golfiños oceánicos propios das augas tropicais e subtropicais próximasa ás costas de ambas as beiras do Atlántico norte, do Índico e do Pacífico.[2]
Etimoloxía
[editar | editar a fonte]O xénero Delphinus tomouno Linneo do nome latino do golfiño (ou delfín) común, delphīnus, -i,[3] nome que, á súa vez, deriva do grego δελφίς (delphís), "delfín",[4] ou δελφύς (delphýs).[4]
Taxonomía
[editar | editar a fonte]Ata 1994, cando se recoñeceu como especie diferente a Delphinus capensis, que definira Gray en 1828,[2][5] críase que era a única especie do xénero Delphinus. Posteriormente, en 1971, Van Bree definiu unha terceira especie, Delphinus tropicalis, pero na actualidade non é admitida pola comunidade científica, e os ictiólogos considérana como unha subespecie de Delphinus capensis, clasificada hoxe como Delphinus capensis tropicalis Jefferson & Van Waerebeek, 2002.[5]
Especies e subespecies
[editar | editar a fonte]- Xénero Delphinus
- Delphinus capensis Gray, 1828
- Delphinus capensis capensis Jefferson & Van Waerebeek, 2002 — do océano Pacífico e as costas africanas e suramericanas.
- Delphinus capesis tropicalis Jefferson & Van Waerebeek, 2002 — do mar Vermello e o océano Índico.
- Delphinus delphis Linnaeus, 1758
- Delphinus capensis Gray, 1828
Distribución xeográfica
[editar | editar a fonte]-
Distribución de
Delphinus capensis -
Distribución de
Delphinus delphis
Características
[editar | editar a fonte]Teñen unha lonxitude corporal nos adultos que pode oscilar entre os 2 e os 2,6 m, e un peso de entre os 70 e os 135 kg. Os machos son lixeiramente máis grandes que as femias.
O corpo é esvelto, hidrodinámico, delgado, e un fociño longo, máis longo en Delphinus capensis, e de cor gris escura ou negra, aínda que pode ter a punta branca; hai unha pregadura ben marcada entre o bico e a fronte, que descende desde o alto da cabeza en suave declive.[6] Na boca teñen entre 80 e 120 dentes cónicos, pequenos, simliares (homodonte), en cada maxilar.
Presentan unha aleta dorsal alta, situada no centro do lombo, e de forma que pode variar entre a falciforme á case triangular, e a súa cor pode oscilar entre a negra a practicamente a branca agrisada, cos bordos máis escuros, grises ou negros. As aletas pectorais son relativamente pequenas, anchas, de cor negra ou gris, e cos extremos lixeiramente acabados en punta; os bordos da punta son convexos. O pedúnculo caudal é fino, de cor gris clara, e a aleta caudal é de cor gris escura ou negra, cunha lixeira fendedura separando os dous lobos, que teñen os extremos dirixidos cara a atrás e están rematados en punta.[6]
A coloración é moi vistosa, máis apagada en Delphiunus capensis, co lombo gris, negro, negro purpúreo ou apardazado, que forma unha "V" ou unha "X" debaixo da aleta dorsal, como debuxando a súa sombra (deseño denominado "en reloxo de area"), que se vai aclarando no pedúnculo caudal. O ventre é branco ou de cor crema, que se ve interrompida por unha ou dúas liñas amarelas ou grises, descontinuas; na rexión torácica dos flancos presenta unha mancha (o chamado parche torácico) de cor amarelada ou crema torrada. Ao redor dos ollos levan un anteface negro, que se prolonga ata o bico. Presentan, tamén, unha estreita banda escura desde a aleta pectoral ata o centro do maxilar inferior.[6]
Bioloxía
[editar | editar a fonte]- Artigo principal: Golfiño común#Bioloxía.
Diferenzas entre as dúas especies
[editar | editar a fonte]- Véxase tamén: Golfiño común.
A diferenza máis evidente entre o Delphinus delphis e Delphinus capensis é a lonxitude e a anchura do peteiro. Porén, hai tamén outros trazos distintivos.
D. delphis ten o corpo algo máis repoludo, a cabeza máis arredondada, un debuxo máis complexo no seu bico, o anteface máis chamativo, unha banda máis estreita entre a mandíbula interior e as aletas pectorais e unhas cores máis brillantes, e adoita vivir máis lonxe das costas.
D. capensis ten un perfil máis fino, pouco ou nada de branco entre o ollo e a aleta pectoral, a fronte máis suave, o debuxo do bico moito máis simple e unhas cores máis apagadas, e normalmente vive máis preto da costa. Tamén hai diferenzas de comportamento entre ambas as especies.[6]
Notas
[editar | editar a fonte]- ↑ 1,0 1,1 1,2 Delphinus Linnaeus, 1758 en ITIS.
- ↑ 2,0 2,1 Hammond, P. S., Bearzi, G., Bjørge, A., Forney, K., Karczmarski, L., Kasuya, T., Perrin, W. F., Scott, M. D., Wang, J. Y., Wells, R. S. & Wilson, B (asesores) (2008): Lista vermella Arquivado 18 de setembro de 2018 en Wayback Machine. de especies ameazadas da UICN.
- ↑ "Charlton T. Lewis, Charles Short, A Latin Dictionary, delphīnus". www.perseus.tufts.edu. Consultado o 2021-02-12.
- ↑ 4,0 4,1 Henry George Liddell, Robert Scott, A Greek-English Lexicon
- ↑ 5,0 5,1 WoRMS
- ↑ 6,0 6,1 6,2 6,3 Carwardine, M. (1995), pp. 164-167.
Véxase tamén
[editar | editar a fonte] |
Wikimedia Commons ten máis contidos multimedia na categoría: Delphinus |
 |
Wikispecies posúe unha páxina sobre: Delphinus |
Bibliografía
[editar | editar a fonte]- Carwardine, Mark (1995): Ballenas, delfines y marsopas. Guía visual de todos los cetáceos del mundo. Barcelona: Ediciones Omega. ISBN 84-282-1037-3.
- Kowalski, Kazimerierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
- Mead, J. G. e Brownell, R. L., Jr. (2005): "Order Cetacea en: Wilson, D. E. e Reeder, D. M. Mammal Species of the World (3rd ed.) Johns Hopkins University Press. pp. 723–743. ISBN 978-0-8018-8221-0.
- Perrin, William F.; Bernd Wursig e J. G.M. Thewissen (Eds.) (2008): Encyclopedia of Marine Mammals, Second Edition. Academic Press. ISBN 978-0-12-373553-9.
- Rice, Dale W. (1998): Marine mammals of the world: systematics and distribution. Society of Marine Mammalogy / Special Publication Number 4. ISBN 978-1-891276-03-3.
- Stewart, Brent S.; Phillip J. Clapham, James A. Powell e Randall R. Reeves (2002): National Audubon Society Guide to Marine Mammals of the World. ISBN 0-375-41141-0.
