Damon Albarn

Na Galipedia, a Wikipedia en galego.
Damon Albarn
Damon Albarn live29.07.2013 in Rome 4.JPG
Damon Albarn 2013
Naceu 23 de marzo de 1968 (46 anos)
Orixe Whitechapel, Londres Inglaterra
Xénero rock alternativo, britpop
Relacionado con Blur, Gorillaz, The Good, the Bad & the Queen, Monkey: Journey to the West
Tempo en activo 1988 - actualidade


Damon Albarn (nado o 23 de marzo de 1968 en Whitechapel, (Tower Hamlets, Londres) é un cantante e compositor inglés coñecido principalmente por ser o vocalista da banda de britpop Blur.

Participou das bandas Circus, Real Lives e The Aftermath. É o actual vocalista de Blur e o principal responsable da banda Gorillaz, un dos seus proxectos paralelos máis coñecidos. Tamén participou nos proxectos The Good, the Bad & the Queen, Monkey: Journey to the West e Mali Music.

Biografía[editar | editar a fonte]

Primeiros anos[editar | editar a fonte]

Albarn pasou a súa infancia en Leytonstone cos seus pais, Hazel e Keith, e a súa irmá Jessica. Durante uns meses a familia vivíu en Turquía e cando volveu a Inglaterra mudáronse a Colchester, Essex, debido ao traballo do seu pai, que era mestre. Albarn entón asistíu ao Stanway Comprehensive School. El coñeceu alí ao futuro guitarrista de Blur Graham Coxon e atopou que lle gustaban as mesmas bandas, como The Jam, The Kinks ou The Human League.

Despois de rematar a secundaria, Albarn mudouse para Londres para asistir á East 15 Acting School, perdendo o contacto con Coxon. Deixou a escola despois dun ano porque non era un bo actor (a pesares de que actuou na película Face en 1997) e comezou a compoñer e a tocar música. Algunhas das cancións que compuxo nese tempo convertéronse en temas de Blur, como "Birthday", do seu álbum de debut Leisure.

Blur[editar | editar a fonte]

En 1988 Albarn matriculouse na Goldsmiths College en New Cross, Londres. Alí volveu a atoparse con Coxon. Despois de gravar unha serie de demos xuntos, os dous formaron Circus, e Coxon presentoulle a Albarn a Alex James. Coa entrada posteriormente de Dave Rowntree, a banda comezou a tocar como Seymour. Máis adiante abanda asinaría coa Food Records e cambiaría o seu nome a Blur.

Albarn e Blur gañaron éxito comercial e da crítica co seu disco Parklife en 1994, e Albarn converteuse nun dos líderes do movemento britpop. Ese éxito foi compartido coa banda Oasis coa que tiñan unha grande rivalidade, alimentada polos medios de comunicación.

Á altura do ano 2006 Blur leva editados sete álbums, cinco dos cales chegaron ao número 1 no Reino Unido. Albarn escribía a maioría das letras das cancións editadas pola banda dende a súa formación. El dixo publicamente que agarda o regreso de Graham Coxon, que deixou a banda poco antes de editar Think Tank, para producir máis material; porén, Coxon rexeitou volver, e Albarn anunciou en setembro 2005 que el vai tocar a guitarra no seguinte traballo de Blur.

Gorillaz[editar | editar a fonte]

Albarn formou a banda virtual de rock Gorillaz co creador de Tank Girl, Jamie Hewlett, en 1999. Cunha deliberadamente ambigua formación, o grupo leva editados dous álbums ata a data. A súa música ten colaboracións de Danger Mouse, Simon Tong (que tamén tocou a guitarra con Blur en directos), Miho Hatori, Sweetie Irie, De La Soul, Bootie Brown, MF Doom, Redman, Tina Weymouth, Roots Manuva, Neneh Cherry, Rosie Wilson, Martina Topley-Bird, Dennis Hopper, Ike Turner e Del The Funkee Homosapien entre outros.

Gorillaz e Demon Days (os dous discos da banda) funcionaron moi ben tanto en Estados Unidos como no Reino Unido, así como os seus sinxelos, "Clint Eastwood", "Feel Good Inc." ,"19-2000", "DARE", "Dirty Harry" e "Kids With Guns / El Mañana".

Carreira en solitario[editar | editar a fonte]

Albarn editou Mali Music en 2002, gravado en Mali durante unha viaxe que fixo para apoiar a Oxfam no ano 2000. Tamén visitou Nixeria para gravar co batería africano Tony Allen. Albarn dixo que lle gustaría producir un álbum de Blur en says he would like to produce a Blur album in Bagdad porque lle "gusta o estilo musical iraquí".

Tamén editou Democrazy no 2003, unha colección de demos que gravou mentres estaba en hoteis durante a xira estadounidense do álbum de Blur Think Tank.

Albarn tamén apareceu noutras obras relacionadas. O seu tema "Closet Romantic" está na banda sonora de Trainspotting xunto cunha das primeiras gravacións de Blur, "Sing". O álbum de The Rentals de 1999 Seven More Minutes conta con Albarn na canción "Big Daddy C". Na edición de Fatboy Slim de 2004 Palookaville Albarn canta no tema "Put It Back Together".