Confederación do Rin

Rheinbund
États confédérés du Rhin
Confederación do Rin
	Rheinbund; États confédérés du Rhin; Confederación do Rin
Bandeira	Escudo
	A Confederación do Rin en 1812
Capital	Frankfurt
Lingua	Alemán e francés
Goberno	Estado Satélite
Protector	Napoleón Bonaparte
Historia
• Establecido	1806
• Disolución	1813

A Confederación do Rin (en alemán Rheinbund) foi o nome que recibiu a asociación de estados alemáns establecida en 1806 por Napoleón I de Francia tras conquistar este a case totalidade de Renania no marco das denominadas Guerras Napoleónicas.

[editar] Formación

Xerónimo Bonaparte, Rei de Westfalia

Con anterioridade ao rei de Baviera habíaselle imposto como xenro ao fillastro de Napoleón e as casas de Württemberg e Baden recibiron tamén familiares do emperador. Estes tres antigos estados transformáronse en reinos absolutistas, a pesar de que o código Napoleónico implantouse en tódolos Estados creados polo Emperador, abolíronse o feudalismo e a servidume e estabeleceuse a liberdade de culto. Foille outorgada a cada Estado unha constitución na que se concedía o sufraxio universal masculino e unha declaración de dereitos e a creación dun parlamento; foi instaurado o sistema administrativo e xudicial francés; as escolas quedaron supeditadas a unha administración centralizada e ampliouse o sistema educativo libre. Cada Estado dispuña dunha academia ou instituto destinado á promoción das artes e as ciencias, á vez que se financiaba o traballo dos investigadores.

Napoleón outorgouse a si mesmo o título de Protector da Confederación do Rin co que tivo á súa disposición un exército adicional de 60.000 soldados. A capital da Confederación estableceuse en Frankfurt am Main.

A finais de 1806 e despois da derrota de Prusia a mans de Napoleón, este creou o Reino de Westfalia, co que levou a fronteira occidental do Imperio Francés até o Río Elba. Consecuencia da derrota Prusiana foi tamén a creación do Gran Ducado de Varsovia.

No seu período de máxima extensión (1808-1809), a confederación comprendía 38 estados, 360.000 km² e 15 millóns de habitantes. Ben acollida polo pobo nun principio e interpretada como un paso cara á unificación, a súa popularidade diminuíu a medida que a integración no Sistema Continental traduciuse na implantación de duras medidas económicas.

[editar] Disolución

A Confederación disolveuse despois da derrota de Napoleón na Batalla de Leipzig en 1813; cada un dos estados alemáns asinou a paz e apoiou a Alianza entre Prusia, Rusia, Austria e Gran Bretaña. O Congreso de Viena (1814?1815) acordou a creación da Confederación Xermánica, que substituíu á do Rin.

[editar] Membros da Confederación

A Confederación en 1807

A Confederación en 1812

As seguintes táboas amosan os membros da confederación, coa súa data de ingreso e o número de tropas aportadas listadas entre paréntese.

[editar] Reinos

Nome	Data de ingreso	Notas
Baviera	1806, 12 de xullo	Co-fundador; antigo ducado (30.000)
Saxonia	1806, 11 de decembro	Antigo ducado (20.000)
Westfalia	1807, 15 de novembro	Creación Napoleónica (25.000)
Württemberg	1806, 12 de xullo	Co-fundador; antigo ducado (12.000)

[editar] Principados

Nome	Data de ingreso	Notas
Hohenzollern-Hechingen	1806, 12 de xullo	Co-fundador (4.000)
Hohenzollern-Sigmaringen	1806, 12 de xullo	Co-fundador (4.000)
Isenburg	1806, 12 de xullo	Co-fundador (4.000)
Leyen	1806, 12 de xullo	Co-fundador; antigo condado ou grave (4.000)
Liechtenstein	1806, 12 de xullo	Co-fundador (4.000)
Lippe-Detmold	1807, 11 de abril	(650)
Reuss-Ebersdorf	1807, 11 de abril	(400)
Reuss-Greiz	1807, 11 de abril	(400)
Reuss-Lobenstein	1807, 11 de abril	(400)
Reuss-Schleiz	1807, 11 de abril	(400)
Salm	1806, 25 de xullo	Co-fundador (4.000)
Schaumburg-Lippe	1807, 11 de abril	(650)
Schwarzburg-Rudolstadt	1807, 11 de abril	(650)
Schwarzburg-Sondershausen	1807, 11 de abril	(650)
Waldeck	1807, 11 de abril	(400)

[editar] Ducados

Nome	Data de ingreso	Notas
Anhalt-Bernburg	1807, 11 de abril	(700)
Anhalt-Dessau	1807, 11 de abril	(700)
Anhalt-Köthen	1807, 11 de abril	(700)
Arenberg	1806, 12 de xullo	Co-fundador (4.000)
Baden	1806, 12 de xullo	Co-fundador; antigo margrave (8.000)
Berg	1806, 12 de xullo	Co-fundador; (2.000)
Hesse-Darmstadt	1806, 12 de xullo	Co-fundador; antigo landgrave (4.000)
Frankfurt	1806, 12 de xullo	Co-fundador; até 1810 Arcebispado de Maguncia
Mecklemburgo-Schwerin	1808, 22 de marzo	(1900)
Mecklemburgo-Strelitz	1808, 18 de febreiro	(400)
Nassau	1806, 12 de xullo	Nassau-Usingen e Nassau-Weilburg; co-fundadores (8.000)
Oldenburgo	1808, 14 de outubro	(800)
Saxonia-Coburgo	1806, 15 de decembro	(parte dos 2.000 dos Ducados Saxóns)
Saxonia-Gotha	1806, 15 de decemrbro	(parte dos 2.000 dos Ducados Saxóns)
Saxonia-Hildburghausen	1806, 15 de decembro	(parte dos 2.000 dos Ducados Saxóns)
Saxonia-Meiningen	1806, 15 de decembro	(parte dos 2.000 dos Ducados Saxóns)
Saxonia-Weimar	1806, 15 de decembro	(parte dos 2.000 dos Ducados Saxóns)
Würzburg	1806, 23 de setembro	Creación Napoleónica (2.000)