Circuíto de Yas Marina

Circuíto de Yas Marina
Plano do Circuíto
Datos
Carreiras	F1, GP2 Asia Series, V8 Supercars, Drag Racing
Localización	EAU
Lonxitude	5´554 km
Curvas	21
Volta rápida (2010)	1:39.394
Piloto Record	Sebastian Vettel
Escudería Record	Red Bull Racing
Coordenadas	24°28′02″N 54°36′11″E
Vista do Circuíto

O circuíto de Yas Marina (tamén coñecido como Illa Yas) é un circuíto de carreiras que se construíu na illa do mesmo nome en Abu Dabi, Emiratos Árabes Unidos para celebrar o Gran Premio de Abu Dabi de Fórmula Un desde o ano 2009.

O circuíto de Yas Marina foi construído pola empresa Aldar, que tamén constrúe un parque temático, porto deportivo, zonas residenciais, un parque acuático, zonas de deporte e lecer, así como hoteis e resorts de praia na zona circundante. A súa vixésima curva atravesa a illa natural, pasando polo porto deportivo e un sinuoso camiño a través de dunas de area, con varias rectas longas e curvas pechadas. O circuíto ten previstas tres zonas de tribuna.

O circuíto caracterizarase por contar con novidades tecnolóxicas que serviran de referencia para outros trazados. Sen dúbida as maiores novidades serán que o pit-lane, na parte da saída de boxes a pista, cruzará a pista por baixo, para conseguir máis seguridade na incorporación dos monoplazas á pista e para aproveitar o espazo. Tamén se quere aproveitar espazo colocando as bancadas sobre as escapatorias do circuíto, achegando deste xeito a vista do circuíto aos afeccionados e aforrando espazo. Con este sistema, se algún vehículo sáese de pista, se introducira debaixo do público. Sobre os boxes hai unha tribuna, algo pouco frecuente nos circuítos de Fórmula 1. Un complexo hostaleiro con vistas ao circuíto desde as habitacións e terrazas colocarase sobre as ultímas curvas do circuíto, creando así unha especie de tunel. Tamén hai unha torre de forma cilindrica, desde a cal as vístas son fantásticas.

A pista en xeral é bastante rápida, con varios puntos de freada forte e longas rectas (algunhas curvadas). Conta cunha zona parecida á mitica curva 'Eau Rouge' do circuíto de Spa Francorchamps, cun porto para amarre de iates e cruceiros imitando Monaco, a curva máis pechada de todas está xunto ao parque temático de Ferrari, xira no sentido contrario ás agullas do reloxo -cosa común nos circuítos novos- e o seu terceiro sector, o mais lento, rodea a zona mariña.

Todos os gañadores de Fórmula 1, no circuíto de Abu Dabi

Ano	Piloto	Auto	Duración	Lonxitude	Voltas	Velocidade media	Data	GP de
2012	Kimi Räikkönen	Lotus-Renault	1:45:58.667 h	5´554 km	55	km/h	4. Novembro	Abu Dabi
2011	Lewis Hamilton	McLaren-Mercedes	1:37:11,886 h	5´554 km	55	188,494 km/h	13. Novembro
2010	Sebastian Vettel	Red Bulll-Renault	1:39:36,837 h	5´554 km	55	183´923 km/h	14. Novembro
2009	Sebastian Vettel	Red Bull-Renault	1:34:03,414 h	5´554 km	55	194´863 km/h	1. Novembro