Nico Rosberg

Nico Rosberg
Carreira na Fórmula 1
Nacionalidade	Alemán
Monopraza número	8
Escudería actual	Mercedes GP
Escudería no 2013	Mercedes GP
Grandes Premios disputados	108
Campionatos	0
Vitorias	0
Podios	5
Pole positions	0
Voltas rápidas	2
Primeiro Grand Prix	Gran Premio de Bahrain de 2006
Posición no 2012
editar

Nico Erik Rosberg (nado o 27 de xuño de 1985 en Wiesbaden, Alemaña) é un piloto do equipo Mercedes GP de Fórmula 1. Debutou na categoría no 2006 con Williams. Corre baixo a bandeira alemá na Fórmula Un, a pesar de que competíu por Finlandia ao principio da súa carreira. Posúe a dobre nacionalidade destes dous países.

Fillo do Campión Mundial de 1982 Keke Rosberg, gañou a GP2 en 2005 co equipo ART, logo de competir en Fórmula Tres Euroseries con anterioridade para o equipo do seu pai. Posúe o récord do piloto máis novo en lograr unha volta rápida en carreira, cando o acadou o seu primeiro Gran Premio, o de Bahrain 2006.

Para a tempada 2010 de Fórmula Un, Rosberg uniuse ao novo equipo Mercedes, formado tras a adquisición do equipo campión de 2009 Brawn GP.

Vida persoal

É fillo do finlandés campión do mundo de Fórmula 1 de 1982 Keke Rosberg e a súa esposa alemá Sina, Nico pasou a maior parte da súa mocidade en Mónaco coa súa familia, e aínda vive no principado. Rosberg domina o alemán, inglés, italiano, español e francés, pero só un pouco de finés, a pesar de que está aprendendo o idioma. Os pilotos das fórmulas máis baixas corren baixo a nacionalidade do país que emitiu a súa licenza de competición. Rosberg competiu baixo a bandeira de Finlandia e Alemaña en diferentes momentos da súa carreira. Na Fórmula Un, como para todos os campionatos da FIA no mundo, a nacionalidade dun piloto defínese polo seu pasaporte. Rosberg corre baixo bandeira alemá na Fórmula Un.

Andaina profesional

1996-2004: Fórmula Junior

Rosberg gañou en 2002 o campionato alemán de Fórmula BMW, un fito importante na súa carreira como piloto

Rosberg iniciouse no karting en 1996, á idade de once anos, antes de pasar a Fórmula BMW alemana en 2002, onde gañou o título. As súa actuación deu lugar ao seu paso como piloto do equipo do seu pai na Fórmula Tres Euroseries, unha combinación dos varios campionatos nacionais de Fórmula Tres que existian antes da súa formación. A Rosberg foille ben alí, e quedou para o ano 2004. A principios de 2004, obtivo un dos seus primeiros test na Fórmula Un, facendo unha sesión de probas con Williams.

2005: GP2 - ART Grand Prix

Rosberg uniuse ao equipo ART Grand Prix en 2005 na recentemente creada GP2 Series. Converteuse no primeiro piloto en gañar o título de GP2.

Formula Un

2006–2009: Williams

Debutou na tempada 2006 ao volante dun Williams no Gran Premio de Bahrain, o 12 de marzo de 2006.

Rosberg conseguiu realizar a volta rápida da carreira do Gran Premio de Bahrain de 2006, e conseguiu así ser o piloto de Fórmula 1 máis novo en obter unha volta rápida, superando a anterior marca que ata o momento era de Fernando Alonso.

Neste Gran Premio, tamén logrou puntuar no seu debut na Fórmula 1, obtendo 2 puntos por terminar 7º, xusto por detrás do seu compañeiro de equipo Mark Webber.

2010–: Mercedes GP

Rosberg pilotando para Mercedes no Gran Premio de Bahrain de 2010

O 16 de novembro de 2009, o equipo campión Brawn GP foi comprado polo xigante construtor alemán Mercedes-Benz e renomeado inmediatamente como Mercedes Grand Prix, disparando os rumores sobre unha posible fichaxe de Nico pola nova escuadra. Non foi ata o 23 de novembro de 2009 cando Rosberg foi anunciado oficialmente como o primer piloto. do equipo Mercedes GP para a tempada 2010.

Xustamente un mes despois, o 23 de decembro de 2009, o equipo Mercedes Grand Prix anuncio á fichaxe e a vólta a competición do sete veces campión do mundo de Fórmula 1 Michael Schumacher. Rosberg cedeu o seu número a Schumacher a petición deste, debido a que Schumacher é supersticioso e prefería o número impar de Nico (o 3 en vez do 4)..

A pesar da moita esaxeración sobre regreso de Schumacher, Rosberg logrou na actualidade superar ao seu compañeiro de equipo tanto na cualificación como na clasificación final na maioría das carreiras. En Malaisia, Rosberg conseguiu a súa primeira fila de saida, como segundo clasificado nunha sesión de cualificación alterada pola choiva, de novo por encima de Schumacher. Finalmente terminou terceiro na carreira, o primeiro podio de Mercedes como equipo desde o seu regreso.

Resultados Completos na Fórmula Un

(Chave) (Carreiras en negra indican pole position, carreiras en cursiva indican volta rápida)

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	18	19	Pos.	Puntos
2006	WilliamsF1 Team	Williams FW28	Cosworth CA2006 2.4 V8	BHR 7	MAL Ret	AUS Ret	SMR 11	EUR 7	ESP 11	MON Ret	RU 9	CAN Ret	USA 9	FRA 14	ALE Ret	HUN Ret	TUR Ret	ITA Ret	CHN 11	XPN 10	BRA Ret		17º	4
2007	AT&T Williams	Williams FW29	Toyota RVX-07 2.4 V8	AUS 7	MAL Ret	BHR 10	ESP 6	MON 12	CAN 10	USA 16	FRA 9	RU 12	EUR Ret	HUN 7	TUR 7	ITA 6	BEL 6	XPN Ret	CHN 16	BRA 4			9º	20
2008	AT&T Williams	Williams FW30	Toyota RVX-08 2.4 V8	AUS 3	MAL 14	BHR 8	ESP Ret	TUR 8	MON Ret	CAN 10	FRA 16	RU 9	ALE 10	HUN 14	EUR 8	BEL 12	ITA 14	SIN 2	XPN 11	CHN 15	BRA 12		13º	17
2009	AT&T Williams	Williams FW31	Toyota RVX-09 2.4 V8	AUS 6	MAL 8‡	CHN 15	BHR 9	ESP 8	MON 6	TUR 5	RU 5	ALE 4	HUN 4	EUR 5	BEL 8	ITA 16	SIN 11	XPN 5	BRA Ret	ABU 9			7º	34.5
2010	Mercedes GP Petronas F1 Team	Mercedes MGP W01	Mercedes FO 108X 2.4 V8	BHR 5	AUS 5	MAL 3	CHN 3	ESP 13	MON 7	TUR 5	CAN 6	EUR 10	RU 3	ALE 8	HUN Ret	BEL 6	ITA 5	SIN 5	XPN 17	COR Ret	BRA 6	ABU 4	7º	142
2011	Mercedes GP Petronas F1 Team	Mercedes MGP W02	Mercedes FO 108Y 2.4 V8	AUS Ret	MAL 12	CHN 5	TUR 5	ESP 7	MON 11	CAN 11	EUR 7	RU 6	ALE 7	HUN 9	BEL 6	ITA Ret	SIN 7	XPN 10	COR 8	IND 6	ABU 6	BRA 7	7º	89

‡ Outorgaronse a metade dos puntos ao cubrir menos do 75% da distancia de carreira completa.

Ligazóns externas

• Páxina oficial de Nico Rosberg
• Perfil – desde Páxina oficial de Mercedes GP
• Perfil e estatísticas
• Andaina profesional