Bandeira de Haití

Bandeira de Haití
Características
Uso	...
Proporción	3:5
Adopción	25 de febreiro de 1986
Cores	Azul     Vermello

A bandeira de Haití foi adoptada oficialmente o 25 de febreiro de 1986, pero o seu deseño remóntase a comezos do século XIX, cando foi usada pola República de Haití baixo o presidente Alexandre Pétion en 1806.. É unha bandeira composta por dúas franxas horizontais, do mesmo tamaño, de cor azul (a superior) e vermella (a inferior). No centro da mesma figura, dentro dun rectángulo de cor branca, o escudo nacional. A bandeira de uso civil carece de escudo.

Historia

Dise que a bandeira foi creada durante a rebelión contra os franceses. Os rebeldes tomaron a bandeira de Francia e quitáronlle a franxa branca do centro, en sinal de que expulsaran ós brancos, aparecendo así a bandeira haitiana.

Durante os Xogos Olímpicos de 1936 observouse que a bandeira de Haití era igual á bandeira de Liechtenstein, razón pola cal esta última agregou a imaxe dunha coroa na parte superior esquerda.

Entre 1964 e 1986, período de ditadura da familia Duvalier, a bandeira foi modificada por un deseño de cores verticais negro e vermello, conservando o escudo nacional no centro.

Foi readoptada de novo polo artigo 3 da Constitución actual de Haití o 25 de febreiro de 2012.

Outras bandeiras

• 
  Bandeira vixente de 1791 a 1798.
• 
  Bandeira do 18 de maio de 1803 ó 20 de maio de 1805.
• 
  Bandeira do Imperio de Haití (1804-1806).
• 
  Bandeira da República de Haití baixo o réxime de Alexandre Pétion de 1806 a 1811.
• 
  Bandeira do Estado de Haití baixo o réxime de Henri Christophe (1806-1811).
• 
  Bandeira do Reino de Haití (1811-1820).
• 
  Bandeira de Haití de 1822 ata 1843.
• 
  Bandeira de Haití de 1843 ata 1844.
• 
  Bandeira de 1844 a 1849.
• 
  Bandeira de 1849 a 1859, baixo o goberno de Faustin Soulouque.
• 
  Bandeira de 1859 a 1964, igual á actual.
• 
  Bandeira de 1964 a 1986, baixo a ditadura dos Duvalier.

Véxase tamén

Bibliografía

• Fombrun, Odette Roy, ed. (2009). History of The Haitian Flag of Independence (PDF). The Flag Heritage Foundation Monograph And Translation Series Publication No. 3. p. 13. Arquivado dende o orixinal (PDF) o 04 de marzo de 2016. Consultado o 24 de decembro de 2015. 

Ligazóns externas

• Bandeira de Haití en Flags of the World