Bandeira de Porto Rico

Bandeira de Porto Rico

Uso ... Proporción 2:3 Adopción 1952 Cores      Azul     Branco     Vermello

A bandeira de Porto Rico consiste en cinco franxas horizontais, tres vermellas e dúas brancas alternadas, e superposto sobre as franxas un triángulo equilátero azul, un de cuxos lados forma o extremo da bandeira a carón do mastro. A cor do triángulo é azul. Sobre o triángulo vai superposta unha estrela branca de cinco puntas, colocada de tal xeito que unha das súas puntas sinala cara a arriba.

A bandeira deseñouse durante a última década do século XIX como insignia dos separatistas portorriqueños residentes na cidade de Nova York. A identidade do autor do deseño foi motivo de debate, mencionándose entre os seus posibles autores ós patriotas portorriqueños José de la Matta Terreforte, Antonio Vélez Alvarado, Manuel Besosa e o poeta Guerrillero Francisco Gonzalo (Pachín) Marín. Porén, unha carta do 20 de maio de 1923, escrita por Terreforte establece que foi Pachín Marín quen lle propuxo a Terreforte dende Xamaica o deseño da bandeira.

Outras bandeiras

Bandeiras históricas ondeadas en Porto Rico
Cruz de Borgoña, bandeira do imperio español	Bandeira revolucionaria de Lares, 1868	Bandeira española colonial (1873–1875)
Bandeira da Guerra hispano americana Bandeira do Batallón Provisional No. 3 de Porto Rico	Bandeira americana de 45 estrelas	Bandeira orixinal de Porto Rico deseñada en 1892

Bandeiras políticas de Porto Rico

Bandeiras políticas de Porto Rico
Partido Nacionalista Portorriqueño fundado en 1922	Partido Independentista Portorriqueño fundado en 1946
Partido Novo Progresista de Porto Rico fundado en 1967

Véxase tamén

Ligazóns externas

• Bandeira de Porto Rico en Flags of the World