Bandeira do Salvador

Na Galipedia, a Wikipedia en galego.
Bandeira do Salvador
Bandeira do Salvador
Características
Uso
Proporción189:325
Adopción17 de maio de 1912
Cores     Azul     Branco

A bandeira do Salvador consiste en tres franxas horizontais iguais, azuis as extremas, representando os dous océanos que bañan Centroamérica: o Atlántico e o Pacífico; e branca a central, representando a paz.[1] A lexislación vixente distingue tres tipos en función do seu uso, a Bandeira Magna, co Escudo Nacional na franxa central para cerimonias nas que participen os tres Poderes do Estado e as festas patrias, a de edificios e oficinas públicas coa lenda Dios Unión Libertad na franxa central, e a dos desfiles, de deseño similar ó anterior. Os tamaños difiren lixeiramente entre elas, sendo as dimensións da Bandeira Magna de 3,25 metros de longo e 1,89 metros de alto, segundo o regulado pola Lei de Símbolos Patrios.[2] O deseño baséase na bandeira das Provincias Unidas do Centro de América, concibida por Manuel José Arce, quen á súa vez se inspirou na bandeira das Provincias Unidas do Río da Prata, actual Arxentina.[3]

Outras bandeiras[editar | editar a fonte]

Notas[editar | editar a fonte]

  1. Presidencia de la República de El Salvador: Bandera Nacional Arquivado 02 de xuño de 2011 en Wayback Machine.
  2. LEY DE SIMBOLOS PATRIOS Arquivado 29 de setembro de 2009 en Wayback Machine.. Centro de Documentación Judicial de la Corte Suprema de Justicia de El Salvador.
  3. Las banderas centroamericanas Arquivado 30 de agosto de 2009 en Wayback Machine. Diario La Nación de Argentina

Véxase tamén[editar | editar a fonte]

Ligazóns externas[editar | editar a fonte]