Alexey Shved

Na Galipedia, a Wikipedia en galego.
Alexey Shved
CSKA Moscova  – No. 91
Información persoal
Nacemento 16 de decembro de 1988 (35 anos)
Belgorod
Nacionalidade Rusia Rusia
Altura 1,98 m (6 ft 6 in)
Peso oficial 86 kg (190 lb)
Posición Escolta / Base
Información da carreira
Carreira dende 2006
Historial de equipos
CSKA Moscova (2006–2012)
→Khimki (2007)
→Dinamo Moscova (2009–2010)
Minnesota Timberwolves (2012–2014)
Philadelphia 76ers (2014)
Houston Rockets (2014–2015)
New York Knicks (2015)
Khimki (2015–2021)
CSKA Moscova (2021–presente)
Premios e galardóns

Alexey Viktorovich Shved, nado en Belgorod o 16 de decembro de 1988, é un xogador profesional de baloncesto ruso que actualmente xoga no PBC CSKA Moscova da VTB United League. Con 1,98 metros de altura, pode xogar nas posicións de escolta e base.

Traxectoria[editar | editar a fonte]

Shved comezou a súa carreira no PBC CSKA Moscova da Superliga rusa, onde fixo o seu debut o 4 de novembro de 2006 contra o Ural Great Perm.[1] Debutou tamén co CSKA na Euroliga o 17 de xaneiro de 2007, contra o BC Žalgiris lituano.[2] Durante esta etapa no CSKA, foi cedido en dúas ocasións, a primeira ó BC Khimki en febreiro de 2017 ata o remate da tempada, e a segunda ó Dinamo Moscova en decembro de 2009.

O 23 de xullo de 2012, o CSKA anunciou oficialmente a marcha de Shved á National Basketball Association (NBA), para asinar cos Minnesota Timberwolves.[3][4]

O 23 de agosto de 2014, completouse un traspaso entre os Timberwolves, os Cleveland Cavaliers e os Philadelphia 76ers que mandaba a Shved e a Luc Mbah a Moute ós Sixers, xunto a unha elección da primeira rolda do Draft de 2015 de Cleveland. Os Cavaliers recibiron a Kevin Love de Minnesota, mentres que os Wolves recibiron a Andrew Wiggins e Anthony Bennett de Cleveland, e a Thaddeus Young dende Philadelphia.[5]

O 19 de decembro de 2014, Shved foi traspasado ós Houston Rockets nun traspaso entre tres equipos que incluía tamén ós Sixers e ós Minnesota Timberwolves.[6]

O 19 de febreiro de 2015, Shved foi traspasado xunto a dúas eleccións da segunda rolda do Draft ós New York Knicks, a cambio de Pablo Prigioni.[7]

O 16 de xullo de 2015, Shved volveu a Rusia onde asinou co BC Khimki un contrato de tres anos.[8]

Notas[editar | editar a fonte]

  1. ↑ "CSKABasket.com Russian Superleague (Division A): Regular season 04.11.2006, Moscow, 2500 spectators.". Arquivado dende o orixinal o 23 de setembro de 2015. Consultado o 02 de marzo de 2018. 
  2. ↑ Euroleague.net Regular Season Game 12 - January 17, 2007 - UNIVERSAL SPORTS HALL CSKA.
  3. ↑ "Alexey Shved moves to Minnesota". CSKABasket.com. 23 de xullo de 2012. Arquivado dende o orixinal o 01 de outubro de 2015. Consultado o 23 de xullo de 2012. 
  4. ↑ "Wolves Sign Free Agent Alexey Shved". NBA.com. 25 de xullo de 2012. Consultado o 25 de xullo de 2012. 
  5. ↑ "Philadelphia 76ers Acquire 2015 First-round Pick From Minnesota". NBA.com. Turner Sports Interactive, Inc. 23 de agosto de 2014. Consultado o 23 de agosto de 2014. 
  6. ↑ Rockets Acquire Veterans Corey Brewer and Alexey Shved in Three-Team Trade with Timberwolves and 76ers
  7. ↑ "Knicks Acquire Alexey Shved and Two Draft Picks". NBA.com. 19 de febreiro de 2015. Consultado o 19 de febreiro de 2015. 
  8. ↑ "Khimki lands high-flying guard Shved". Euroleague.net. 16 de xullo de 2015. Consultado o 16 de xullo de 2015. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Alexey_Shved&oldid=6213813»