Air New Zealand

Na Galipedia, a Wikipedia en galego.
Air New Zealand
Air New Zealand Boeing 747-400 final.jpg
IATA
NZ
OACI
ANZ
Indicativo
NEW ZEALAND
Fundación 1939/1940
Inicio das operacións 1965
Plan de voo frecuente Airpoints
Alianza Star Alliance
Subsidiarias Air New Zealand Link
Frota 48 (sen subsidiarias)
Páxina web: http://www.airnewzealand.com/

Air New Zealand Limited é a aeroliña nacional de Nova Zelandia. Ten a súa base en Auckland e realiza voos cara a 27 destinos domésticos e 29 internacionais en 15 países de Asia, Europa, Oceanía e Norteamérica. Foi a única aeroliña que daba a volta ao mundo[1]. Air New Zealand é membro da alianza de aeroliñas Star Alliance dende o ano 1999.

As rutas de Air New Zealand céntranse en Australasia e o Pacífico Sur, con servizos de longa distancia cara Asia, Europa e Norteamérica. O principal centro de operacións da aeroliña está no aeroporto de Auckland e a súa sede sitúase nun edificio chamado "The Hub", a 20 km do aeroporto.

Air New Zealand orixinouse en 1940 como Tasman Empire Airways Limited (TEAL), unha compañía de hidroavións que realizaba voos entre Nova Zelandia e Australia. TEAL pasou a ser propiedade do goberno neozelandés en 1965 e pasou a chamarse Air New Zealand. No ano 1989 gran parte da compañía foi privatizada, pero a maioría volvería ser adquirida polo goberno en 2001.

A aeroliña ten unha frota de longa distancia composta por Boeing 747, Boeing 767, Boeing 777 e Airbus A320 para rutas internacionais. A compañía tamén usa unha frota de Airbus A320 e Boeing 737 para operacións de curta distancia. As subsidiarias rexionais de Air New Zealand, Air Nelson, Eagle Airways e Mount Cook Airline realizan servizos domésticos dentro do país.

Frota[editar | editar a fonte]

En maio de 2013 a frota da aeroliña estaba formada por 103 avións (con 27 ordes), cunha idade media de 9,3 anos[2].

Frota de Air New Zealand
Aeronave En servizo Pedidos Opcións Butacas Notas
F C Y+ Y Total
Airbus A320-200 17 10 - - - - - 168 - 171 168 asentos en rutas internacionais e 171 en domésticas
Boeing 737-300 12 - - - - - 133 133
Boeing 747-400 2 - - - 46 39 294 379 Retiraranse en 2014
Boeing 767-300ER 5 - - - 24 - 206 230 Retiraranse en 2014
Boeing 777-200ER 8 - - - 26 36 242 304
Boeing 777-300ER 5 2 - - 44 44 244 322
Boeing 787-9 - 10 - - - - - - Primeiro cliente do 787-9
Serán entregados entre 2014 e 2017
ATR 72-500 2 5 - - - - - 68
ATR 72-600 11 - - - - - - 68
Bombardier Q300 23 - - - - - - 50
Beechcraft 1900D 18 - - - - - - 19

Notas[editar | editar a fonte]

Commons
Commons ten máis contidos multimedia na categoría: Air New Zealand