Willis Reed

Willis Reed
Posición	Pivote
Dorsal	19
Altura	2,06 m (6 ft 9 in)
Peso oficial	110 kg (240 lb)
Nacemento	25 de xuño de 1942 (81 anos) Hico, Luisiana
Carreira
Universidade	Grambling State
NBA Draft	1964 / Rolda: 2 / Elección: 10 Por New York Knicks
Tempadas	1964–1974
Equipo(s)
New York Knicks (1964–1974)
Estatísticas (NBA)
Puntos	12 183 (18,7 pp)
Rebotes	8 414 (12,9 pp)
Asistencias	1 186 (1,8 pp)
Stats @ Basketball-Reference.com
Premios
2× Campión NBA (1970, 1973) 1× MVP NBA (1970) 2× MVP Final NBA (1970, 1973) 7× All-Star (1965-1971) 1× MVP All-Star (1970) 1× Equipo All-NBA (1970) 1× Rookie do Ano (1965) 1× Equipo 50 aniversario NBA #19 Retirado por New York Knicks
Basketball Hall of Fame como xogador
Adestrador
New York Knicks (1977-1978) Creighton University (1981–1985) New Jersey Nets (1987-1989)

Willis Reed Jr., nado en Hico, Louisiana, o 25 de xuño de 1942 e finado o 21 de marzo de 2023, foi un xogador de baloncesto estadounidense que desenvolveu a súa carreira a finais dos anos 60 e principios dos 70. Cos seus 2,09 m, comezou xogando de á alto, na posición de 4, para pasar a ser un pivote nato. Destaca a súa traxectoria nos New York Knicks, posto que foi o único equipo no que militou nos seus dez anos como profesional.

Traxectoria deportiva

Universidade

Formado na pouco coñecida Universidade de Grambling, logrou unhas medias de 18,7 puntos e 15,2 rebotes, o cal lle permitiu ser All-American, é dicir, un dos mellores xogadores de toda a nación a nivel universitario, nos anos 1963 e 1964.

NBA

Foi elixido na primeira posición da segunda rolda do Draft da NBA de 1964 polos New York Knicks, equipo no que desenvolvería toda a súa carreira profesional. No seu ano do debut foi elixido Rookie do Ano, cunhas extraordinarias estatísticas de máis de 19 puntos e 14 rebotes por encontro.

A súa mellor tempada, e pola que se lle lembrará sempre, foi a de 1969-70, na cal logrou o fito nunca antes alcanzado de ser considerado, nunha mesma tempada, MVP da tempada regular, do All-Star Game e das Finais, redondeando a mesma co anel de campión da NBA. Lograría un segundo título en 1973, cando xa as lesións estaban comezando a prexudicarlle. Retiraríase un ano máis tarde, con tan só 31 anos, disputando 650 partidos, e cunhas medias de 18,7 puntos e 12,9 rebotes por partido.

Equipos

• New York Knicks (1964-1974)

Adestrador

Adestrou aos Knicks durante tempada e media, entre 1978 e 1979. De aí pasou a ser adestrador asistente da Universidade de St. John's en 1981, e adestrador titular na Universidade Creighton entre o 81 e o 85. Regresou de novo á liga profesional, facéndose cargo dos New Jersey Nets en 1987, levando ao equipo durante dúas tempadas.

Logros

• Dúas veces Campión da NBA (1970, 1973).
• Unha vez MVP da NBA (1970).
• Dúas veces MVP das Finais da NBA (1970, 1973).
• Sete veces All-Star (1965–1971).
• Unha vez MVP do All-Star (1970).
• Unha vez no Primeiro equipo da NBA (1970).
• Catro veces no Segundo equipo da NBA (1967–1969, 1971).
• Unha vez no Primeiro equipo defensivo da NBA (1970).
• Rookie do Ano da NBA (1955).
• Primeiro equipo rookie da NBA (1955).
• Nomeado un dos 50 mellores xogadores da historia da NBA (1996).
• Membro do Basketball Hall of Fame como xogador (1982).
• Número 19 retirado por New York Knicks.

Véxase tamén

Ligazóns externas

• Páxina de Reed na web do Hall of Fame
• Estadísticas como xogador Arquivado 20 de xaneiro de 2021 en Wayback Machine.
• Estadísticas como adestrador Arquivado 15 de setembro de 2012 en Wayback Machine.