Dave DeBusschere

Dave DeBusschere
Dave DeBusschere
Posición	Ala
Dorsal	22
Altura	1,98 m (6 ft 6 in)
Peso oficial	100 kg (220 lb)
Nacemento	16 de outubro de 1940; Detroit, Míchigan
Morte	14 de maio de 2003 (62 anos); Nova York, NY
Carreira
Universidade	Detroit
NBA Draft	1962 / Elección: Territorial; Por Detroit Pistons
Tempadas	1962–1974
Equipo(s)
	Detroit Pistons (1962–1968); New York Knicks (1969–1974);
Estatísticas (NBA)
Puntos	14 053 (16,1 pp)
Rebotes	9 618 (11,0 pp)
Asistencias	2 497 (2,9 pp)
Stats @ Basketball-Reference.com
Premios
	2× Campión NBA (1970, 1973); 8× All-Star (1966–1968, 1969–1974); 6× Equipo defensivo da NBA (1969-1974); 1× Equipo rookie da NBA (1963); 1× MVP da ABA (1973); 1× Equipo 50 aniversario NBA; #22 Retirado por New York Knicks;
Basketball Hall of Fame como xogador
Adestrador
	Detroit Pistons (1964-1967);

David Albert DeBusschere, nado o 16 de outubro de 1940 en Detroit (Míchigan) e finado o 14 de maio de 2003 en Nova York, foi xogador e adestrador profesional de baloncesto estadounidense que desenvolveu a súa carreira na National Basketball Association (NBA) durante os anos 1960 e 1970. Drafteado polos Detroit Pistons en 1962, foi durante tres anos adestrador-xogador no equipo de Míchigan, sendo o home máis novo da historia en dirixir un equipo da NBA ao contar con tan só 24 anos.

En 1969 deixa os Pistons e asina cos New York Knicks, equipo co que gañaría dous títulos da NBA. En recoñecemento pola súa labor no equipo neoiorquino foi retirado o seu dorsal número 22. En 1983 foi admitido no Basketball Hall of Fame e en 1996 votado como uns dos "cincuenta mellores xogadores da historia da NBA". Alén diso, durante a temporada 1962-63 xogou como profesional ao béisbol nos Chicago White Sox da MLB. Faleceu en 2003 aos 63 anos por mor dun ataque ao corazón.

Traxectoria[editar | editar a fonte]

Universidade[editar | editar a fonte]

Os seus tres anos universitarios transcorreron en Detroit Mercy, onde completou unhas estatísticas de 24,8 puntos e 19,4 rebotes por partido. ISto valeulle para ser elixido Atleta do Ano do estado de Míchigan en 1960.

NBA[editar | editar a fonte]

Foi elixido na cuarta posición da primeira rolda do Draft da NBA de 1962 polos Detroit Pistons como elección territorial. Nesa primeira tempada conseguiu un oco no quinteto ideal de rookies. Foi un xogador eminentemente defensivo, sendo incluído durante 6 anos no mellor quinteto defensivo da liga. Entre 1965 e 1967 compaxinou o posto de xogador co de adestrador para os Pistons. Foi traspasado aos New York Knicks a mediados da temporada 1968−69, cos que conseguiu dous títulos da NBA, o primeiro ese mesmo ano, e o segundo en 1973.

Despois da súa retirada[editar | editar a fonte]

DeBusschere retirouse en 1974. En homenaxe o éxito conseguido no equipo neoiorquino a súa camiseta co número 22 foi retirada polos Knicks, colgando hoxe do teito do Madison Square Garden. Posteriormente traballou como executivo nos New York Nets (actuais Brooklyn Nets) da desaparecida American Basketball Association (ABA), competición da que chegou a ser o comisionado. Durante os anos 1980 volta ao seu antigo club, os Knicks, para traballar como adestrador asistente e director de operacións. Durante esta etapa seleccionou no draft a Patrick Ewing que, ao igual que DeBusschere, sería seleccionado en 1996 como un dos cincuenta mellores xogadores da historia da NBA.

Véxase tamén[editar | editar a fonte]

Ligazóns externas[editar | editar a fonte]

Perfil histórico NBA History
Biografía de Dave DeBusschere
Estatísticas da súa carreira como xogador Arquivado 05 de outubro de 2012 en Wayback Machine.
Estatísticas da súa carreira como adestrador Arquivado 15 de outubro de 2012 en Wayback Machine.