Nathaniel "Tiny" Archibald, nado o 2 de setembro de 1948 no Bronx, Nova York, é un ex-xogador profesional de baloncestoestadounidense que desenvolveu a súa carreira profesional na liga NBA. O seu alcume (Tiny) débese á súa baixa estatura para un xogador profesional (1,85 m.).
Formouse como xogador na Universidade de Texas El Paso, onde xogou entre 1967 e 1970, e nos que fixo 23,2 puntos por partido, incluíndo unha sensacional tempada intermedia, na cal levou a súa record até os 37,3 puntos.
Foi elixido na segunda posición da segunda rolda do Draft de 1970 por Cincinnati Royals, franquía coa que se trasladou de cidade até Kansas City, e na que xogou as súas 6 primeiras tempadas na NBA. Xogou nos New York Nets media tempada, e acabou recalando en Boston Celtics, onde logrou o seu maior éxito, un título da NBA na tempada 1980-81 xunto á entón emerxente estrela da liga, Larry Bird. Acabou a súa carreira en Milwaukee Bucks.