Valparaíso

Na Galipedia, a Wikipedia en galego.
Saltar para a navegação Saltar para a pesquisa

Coordenadas: 33°03′S 71°37′O / -33.050, -71.617

Valparaíso
Flag of Valparaiso, Chile.svg
Escudo de Valparaíso (Chile).svg
Ciudad-Puerto-de-Valparaíso.png
Imaxes da cidade
Localización
Valparaíso en Chile
Valparaíso
Valparaíso
País Flag of Chile.svg Chile
Rexión Rexión de Valparaíso
Provincia Provincia de Valparaíso
Xeografía
Altitude 10 msnm
Superficie 401,6 km²
Demografía
Poboación 284.630 hab. (2012)
Densidade 710 hab/km²
Outros datos
Alcalde Jorge Castro Muñoz
Páxina oficial de Valparaíso

Valparaíso é unha cidade, porto e comuna de Chile, capital da provincia e rexión de Valparaíso. Sitúase uns 117 km da capital do país, Santiago de Chile. É o centro histórico, administrativo, universitario e principal núcleo urbano da Área Metropolitana de Valparaíso, que forma xunto ás comunas de Viña del Mar, Quilpué, Villa Alemana e Concón. Segundo o censo 2012 conta cunha poboación estimada de 300.000 persoas, que ascende a 1.040.000 habitantes se incluímos a súa conurbación, sendo a terceira cidade e área metropolitana máis poboada de Chile, por detrás da de Santiago e Concepción.

Valparaíso é sé do Congreso Nacional, da Comandancia da Armada de Chile e doutras institucións do Estado de carácter nacional como o Consello Nacional da Cultura e as Artes, a Subsecretaría de Pesca, os servizos de Aduanas e de Pesca e Acuicultura. É o principal porto de Chile e un dos máis importantes do Pacífico Sur.[1] Ademais a cidade é sé dalgunhas das universidades máis prestixiosas do país como a Pontificia Universidade Católica de Valparaíso, Universidade de Praia Ancha, Universidade de Valparaíso e Universidade Técnica Federico Santa María.

Geográficamente, a cidade preséntase en forma dun gran anfiteatro natural, na baía homónima e rodeada de cerros, nos cales vive a maior parte da poboación.[2] Entre o pé dos cerros e o mar fórmase o Plan, centro administrativo, comercial e financeiro da cidade; mentres o bordemar é ocupado polo porto.

Debido á súa riqueza arquitectónica desenvolvida principalmente a fins do século XIX,[3] en 2003 o seu centro histórico foi declarado Patrimonio da Humanidade por la Unesco, converténdose no terceiro sitio chileno protexido polo organismo internacional, tralo Parque nacional Rapa Nui e 16 igrexas de Chiloé.[3]

O poeta chileno Pablo Neruda tiña unha casa na cidade.

Referencias[editar | editar a fonte]

  1. "Ranking Portos 2015". AméricaEconomía. Consultado o 3 de agosto de 2015. 
  2. Cidade de Valparaíso. "Cerros de Valparaíso, o paréntesis visual da cidade". Consultado o 30 de xaneiro de 2011. 
  3. 3,0 3,1 "Barrio histórico da cidade portuaria de Valparaíso". Consultado o 2 de novembro de 2014. 

Véxase tamén[editar | editar a fonte]

Ligazóns externas[editar | editar a fonte]