Universidade de Lisboa

Na Galipedia, a Wikipedia en galego.
Saltar ata a navegación Saltar á procura

Coordenadas: 38°45′09″N 9°09′32″O / 38.75250, -9.15889

Reitoria Pardal Monteiro 4330.jpg
Datos xerais
Fundación1290 / século XIX / 2013
Datos actuais
Profesores3500
Alumnos48000
Datos de contacto
Páxina webhttps://www.ulisboa.pt/
Facebook: UniversidadedeLisboa Twitter: ulisboa_ Instagram: ulisboa Youtube: UCOkPDtY26xYAy00qLY7TxBQ Editar o valor em Wikidata
Logotipo de la Universidad de Lisboa.png
editar datos en Wikidata ]

A Universidade de Lisboa (ULisboa) é unha universidade pública portuguesa, con sede na Alameda da Universidade, en Alvalade, Lisboa, con varios centros distribuídos por toda a cidade e os municipios limítrofes de Loures, Oeiras e Cascais.

Historia[editar | editar a fonte]

Do século XIII ao XX[editar | editar a fonte]

A súa historia comeza no ano 1290, cando unha bula papal recoñece a súa existencia baixo o nome de Estudo Xeral de Lisboa. Este Estudo Xeral en 1308 trasladouse a Coímbra dando orixe á Universidade de Coímbra. A universidade foi trasladada diversas veces de Coímbra a Lisboa e viceversa, até que 1537 fica definitivamente en Coímbra, e non se abre unha nova facultade en Lisboa até finais do século XIX (de Medicina e Cirurxía).

Desde 1911[editar | editar a fonte]

( Véxase artigo principal: Universidade de Lisboa (1911-2013) )

A actual Universidade de Lisboa, a maior universidade do país en número de estudantes,[1] e en orzamento,[2] resultou da fusión da antiga Universidade de Lisboa,[3] creada por decreto do 22 de marzo de 1911,[4] coa Universidade Técnica de Lisboa, creada por decreto do 2 de decembro de 1930,[5] incluíndo tamén o Estadio Universitario de Lisboa (até entón unha estrutura directamente dependente do Ministerio de Educación e Ciencia).

Actualidade[editar | editar a fonte]

A fusión foi aprobada polo Decreto-Lei no 266-E/2012, do 31 de decembro de 2012,[6] e levouse a cabo coa toma de posesión do seu primeiro reitor, António Cruz Serra, o 25 de xullo de 2013.

Na edición de 2017 da clasificación de Shanghai, a institución situouse no rango 151-200, sendo a universidade portuguesa mellor situada nesa clasificación.[7]

Na actualidade[cando?] conta con 3 513 docentes, 47 884 alumnos e 3 494 funcionarios técnico-administrativos.[8]

Está afiliada ao Grupo Compostela e a UNICA (Institutional Network of the Universities from the Capitals of Europe).

Ten como lema a máxima latina ad lucem (cara á luz). O seu reitor actual é António Nóvoa.

O reitorado e as facultades, coa excepción da facultade de Belas Artes, encóntranse preto do Chiado, na Cidade Universitária de Lisboa, o maior campus universitario do país, que comparte co ISCTE (Instituto Universitario de Lisboa).

Estudantes e profesores notábeis[editar | editar a fonte]

A maioría dos nomes da lista corresponden á antiga Universidade de Lisboa (1911-2013)

Notas[editar | editar a fonte]

  1. Diário de Notícias (28 de decembro de 2011). "Fusão em Lisboa cria quarta maior universidade ibérica". Consultado o 18 de novembro de 2021. 
  2. "Universidade de Lisboa tem buraco de meio milhão de euros". Jornal i. 1 de marzo de 2016. Consultado o 18 de novembro de 2021. 
  3. Frequentemente identificada como «Universidade Clássica de Lisboa».
  4. Cf. Decreto de 22 de março de 1911, publicado no Diário do Governo de 24 de março de 1911. Ver tamén o Decreto de 19 de abril de 1911, publicado no Diário do Governo de 22 de abril de 1911, que cria as faculdades primitivas da nova universidade.
  5. Cf. Decreto n.º 19 081, de 2 de dezembro de 1930.
  6. Decreto-Lei n.º 266-E/2012, de 31 de dezembro de 2012
  7. Silva, Samuel. "Ranking de Xangai: cinco universidades portuguesas nas 500 melhores do mundo". PÚBLICO. Consultado o 18 de novembro de 2021. 
  8. Universidade de Lisboa. Factos e Números.

Véxase tamén[editar | editar a fonte]

Ligazóns externas[editar | editar a fonte]