José Manuel Durão Barroso

José Manuel Durão Barroso
Datos persoais
Nacemento	23 de marzo de 1956
	Lisboa
Organización	Partido Socialdemócrata de Portugal
Alma máter	Faculdade de Direito da Universidade de Lisboa, Universidade de Georgetown, Walsh School of Foreign Service e Universidade de Xenebra
Profesión	Político e avogado
Relixión	catolicismo
Na rede
[ editar datos en Wikidata ]

José Manuel Durão Barroso, nado en Lisboa o 23 de marzo de 1956, é un político portugués, presidente da Comisión Europea dende o 23 de novembro de 2004; antes, foi Primeiro Ministro de Portugal (do 6 de abril de 2002, cando herdou o cargo de António Guterres, ó 29 de xuño de 2004, cando foi substituído por Pedro Santana Lopes).

Vida antes de 1995

Formación e inicio da súa carreira

Licenciouse en Dereito na Universidade de Lisboa e estudou Ciencias Económicas e Sociais na Universidade de Xenebra. Foi profesor asistente na Facultade de Dereito en Georgetown; despois, regresou a Lisboa e converteuse en director do departamento de relacións internacionais da Universidade Lusíada.

Inicio da súa actividade política

Na súa xuventude, Durão pertenceu a numerosos grupos maoístas e comunistas, antes da Revolución dos Caraveis do 25 de abril de 1974. En 1980 uniuse ó Partido Socialdemócrata de Portugal, de dereitas, no que continúa ata o día de hoxe.

Etapas

• Subsecretario de Estado no Ministerio de Asuntos Internos (1985-1987)
• Secretario de Estado de Asuntos Externos (1987-1992)
• Ministro de Asuntos Exteriores (1992-1995)

Vida despois de 1995

Oposición

En 1995, Durão Barroso foi escollido deputado no Parlamento portugués. Catro anos máis tarde, sería designado presidente do PSD e, polo tanto, líder da oposición.

Goberno

O 6 de abril de 2002, Durão Barroso facíase primeiro ministro de Portugal. A súa política viuse marcada polo conservadorismo económico e polo apoio á Guerra de Iraq, opoñéndose así á opinión maioritaria da sociedade do seu país.

Comisión Europea

O 29 de xuño de 2004, Barroso dimitiu como primeiro ministro de Portugal para asumi-lo cargo de presidente da Comisión Europea, cargo no que sucedeu ó italiano Romano Prodi.

A elección da Comisión liderada por Barroso non estivo exenta de polémica. Na primeira proposta que se presentou ó Parlamento Europeo, o comisario de Xustiza e vicepresidente era Rocco Buttiglione. Ante a evidencia de que, por uns e outros motivos, o Parlamento non ía acepta-la Comisión, Durão Barroso realizou unha serie de cambios: tras substituír a Rocco Buttiglione por Franco Frattini e a Ingrida Udre por Andris Piebalgs, a Comisión presentouse definitivamente ante o Parlamento e foi aprobada.

Na actualidade, José Manuel Durão Barroso é un dos homes máis destacados na escena política europea actual.

Predecesor: Romano Prodi

Presidente da Comisión Europea  2004 – Actualidade

Sucesor: No cargo