Todo é silencio (filme)

Todo é silencio
Título     Todo es silencio (es)
Instancia de filme
Características  Cor en cor  Xénero artístico cinema dramático  Baseado en Todo é silencio  Lingua orixinal lingua castelá
Implicados  Produtor/a Gerardo Herrero  Director/a José Luis Cuerda  Compositor/a Sergio Moure de Oteyza  Guionista Manuel Rivas  Director/a fotografía Hans Burmann  Editor/a de cine Nacho Ruiz Capillas  Elenco Quim Gutiérrez Chete Lera Xoque Carbajal Adolfo Fernández Teresa Hurtado de Ory (pt) Luis Zahera Miguel Ángel Silvestre Juan Diego Celia Freijeiro Adrián Castiñeiras
Datas  Data de publicación 2012
Historia  Premios e distincións Premio Mestre Mateo á mellor interpretación masculina secundaria (2012)
Cifras e dimensións  Custo    4.600.000 €  Duración    119 min
Localización  País de orixe España
Códigos e identificadores Freebase /m/0qj9ncd
Fontes e ligazóns
Wikidata

Todo é silencio (en castelán: Todo es silencio) é un filme español dirixido por José Luis Cuerda en 2012, baseado na novela Todo é silencio de Manuel Rivas (2010). O propio escritor fixo o guión do filme.

Estreouse en galego o 15 de setembro de 2017 a través da tvG2. A directora de dobraxe foi Charo Pena.

Sinopse

A trama desenvólvese nunha vila costeira galega en 1969. Fins, Brinco e Leda son tres rapaces da vila de Noitía. Mariscal é un contrabandista que comezou a traficar con produtos chegados á costa desde barcos afundidos. Pasouse ao tabaco rubio de batea, e tras contactar cos clans colombianos, ao narcotráfico. A vida na vila aparece marcada pola economía somerxida, e Mariscal foi tecendo unha rede de control social, económico e institucional.

Fins, que sofre epilepsia, quedou orfo ao morrer seu pai pescando con dinamita, e marchou estudar a Cádiz, facéndose policía. Brinco e Leda casan e teñen un fillo, e únense ao clan de Mariscal. En 1989, logo de anos sen dar noticias, Fins regresa á vila, e Brinco, que pilota unha planadora, ofrécelle cartos a cambio da súa colaboración.

Descóbrense axentes corruptos e varios narcos traidores. Un amigo de Brinco, home do clan de Mariscal que está enganchado á heroína, suicídase logo de non ser quen de pagar unha débeda aos colombianos encargados da subministración da droga.

Leda ten celos porque Brinco vai con outra muller, e cita a Fins na vella escola. Alí aparece Brinco, e iníciase un tiroteo, no que este resulta morto a mans de Fins.

Personaxes

• Quim Gutiérrez como Fins
• Celia Freijeiro como Leda
• Miguel Ángel Silvestre como Brinco
• Juan Diego como Mariscal
• Luis Zahera como Malpica
• Chete Lera como Rumbo
• Xoque Carbajal como Chelín
• Gabriel Delgado como Santi
• Yago Mira como Chelín adolescente
• Áxel Fernández como Fins adolescente
• Carolina Cao como Leda adolescente
• Sergio González como Brinco adolescente
• Miguel de Lira como Mendoza
• Teresa Hurtado como Mara
• Laura Ponte como Guadalupe
• Xosé Manuel Olveira "Pico" como Antonio
• Rebeca Montero como Amparo
• Iria Penha como Sira

Rodaxe

As paisaxes das Rías Altas galegas son os principais escenarios do filme. Os exteriores rodáronse en Muros, e pódense apreciar espazos como o faro do monte Louro ou a costa da parroquia de Tal. Os interiores rodáronse nos estudios Ciudad de la Luz.

En outubro de 2011 algunhas escenas foron rodadas na abandonada casa Bailly do Graxal, Cambre.

Galardóns e nomeamentos

Foi nomeado na categoría de mellor guión adaptado na XXVII edición dos Premios Goya.

Premios Mestre Mateo

Ano	Categoría	Receptor	Resultado
2012	Mellor actriz	Celia Freijeiro	Nomeada
	Mellor actor secundario	Luis Zahera	Gañador
	Mellor guión	Manuel Rivas	Nomeado
	Mellor música orixinal	Sergio Moure	Nomeado
	Mellor maquillaxe e peiteado	Almudena Fonseca	Nomeada

Véxase tamén

Outros artigos

• Matalobos (serie de televisión)
• Fariña (serie de televisión)
• Todo é silencio (novela)

Ligazóns externas

• Todo é silencio na IMDb (en inglés).
• Todo é silencio^{[Ligazón morta]} en Filmaffinity (en castelán).