Rías Altas

Rías Altas

Tipo	Costa
Localización
División administrativa	provincia da Coruña, España
43°23′23″N 8°22′38″O

Mapa coas rías altas de Galiza

As Rías Altas é a denominación coa que se coñece a parte setentrional do litoral de Galiza. Caracterízanse en xeral polo seu pequeno tamaño e mais pola súa elevada colmatación. Incluíndo as denominadas Rías Medias (Costa da Morte e Arco Ártabro) neste grupo, as Rías Altas abranguerían a parte norte e noroeste da provincia da Coruña e toda a costa da provincia de Lugo, limitando con Asturias ao leste e co cabo de Fisterra ao suroeste.

Con todo, en hidrografía considérase que o cabo Ortegal marca o punto de separación entre as Rías Altas propiamente ditas e as Rías Medias. En rigor, as Rías Altas son cinco:

• Ría de Ortigueira
• Ría do Barqueiro
• Ría de Viveiro
• Ría de Foz
• Ría de Ribadeo

O conxunto de caudais que alimenta as rías altas está encadrado na Confederación Hidrográfica Galicia Costa, a excepción dos que nutren a ría de Ribadeo, que o están na Confederación Hidrográfica do Cantábrico.

Principais portos comerciais e pesqueiros

• Na provincia da Coruña:

• Porto da Coruña, comercial, pesqueiro e de recreo
• Ferrol, comercial e militar
• Cedeira, pesqueiro
• Malpica de Bergantiños, pesqueiro
• Cariño, pesqueiro
• O Barqueiro, pesqueiro

• Na provincia de Lugo:

• Celeiro, pesqueiro
• Peirao da Alúmina, para servizo de Alcoa-San Cibrao
• San Cibrao, pesqueiro e comercial
• Burela, pesqueiro
• Foz, pesqueiro
• Ribadeo, comercial e pesqueiro

Galería de imaxes

• 
  Panorámica da ría de Ferrol, vista desde o Coto de Ancos.
• 
  Ría do Barqueiro
• 
  Ria de Ribadeo no atlas de Pedro Teixeira (1634)

Véxase tamén

Bibliografía

• "Rías Altas". Enciclopedia Galega Universal. Ir Indo. 1999-2002. ISBN 84-7680-288-9. 
• Méndez Martínez, Gonzalo (2005). "RIA". Gran Enciclopedia Galega Silverio Cañada (DVD). El Progreso. ISBN 84-87804-88-8. 

Outros artigos

• Costa da Morte
• Rías Baixas
• Arco Ártabro
• Costa Ártabra