Stuart Lewis-Evans

Stuart Lewis-Evans

Biografía
Nacemento	20 de abril de 1930 Luton, Reino Unido (pt)
Morte	25 de outubro de 1958 (28 anos) East Grinstead, Reino Unido (pt)
Datos persoais
País de nacionalidade	Reino Unido
Actividade
Ocupación	piloto de Fórmula Un , piloto de motociclismo
Lingua	Lingua inglesa
Deporte	automobilismo Motociclismo
Participou en
	24 Horas de Le Mans

Stuart Nigel Lewis-Evans nado en Luton, Bedfordshire o 20 de abril de 1930 e finado en East Grinstead, Sussex o 25 de outubro de 1958, foi un piloto de carreiras británico de Inglaterra. Participou en 14 Grandes Premios do Campionato Mundial de Fórmula 1, debutou o 19 de maio de 1957. Logrou dous podios e anotou un total de 16 puntos de campionato. Tamén logrou dúas pole position.

Carreira

Lewis-Evans comezou a competir en 1951 cun coche Cooper 500 de Fórmula 3, alentado e algunhas veces competindo contra o seu pai, Lewis "Pop" Evans. Logrou moitas vitorias e podios e seguiu correndo en 500s ata 1956.

Na súa primeira carreira na Fórmula 1, Lewis-Evans terminou cuarto nun inferior Connaught Type B, vencido soamente polos múltiples gañadores Fangio e Brooks, e Masten Gregory nos dominantes coches Maserati 250F. Esta actuación chamou á atención de Tony Vandervell, dono do ascendente equipo Vanwall, e no seguinte Gran Premio Lewis-Evans pilotaba o terceiro Vanwall. O Vanwall de 1957 era rápido cando o seu motor aguantaba, pero non sempre era fiable. Lewis-Evans logrou a súa primeira vitoria na F1 nunha carreira fóra de campionato no ano 1957 no Gran Premio de Marrocos, e logrou a pole position na carreira final do campionato do mundo, o Gran Premio de Italia de 1957.

A tempada de Fórmula 1 de 1958 sería un ano moito mellor, polo menos inicialmente, para todo o equipo de Vanwall. Os pilotos principais Stirling Moss e Tony Brooks lograron tres vitorias cada un, e Lewis-Evans sumou puntos ao equipo con podios no Gran Premio de Bélxica de 1958 e no Gran Premio de Portugal de 1958. Tamén acadou a pole position no Gran Premio dos Países Baixos de 1958, pero non puido terminar a carreira. Esta non foi a súa única retirada do ano, de feito soamente logrou outro final, aínda que non anotou puntos, foi un cuarto lugar no Gran Premio do Reino Unido de 1958.

Lewis-Evans estrelouse fortemente no polvoriento circuíto de Ain-Diab durante a carreira final da tempada de 1958 no Gran Premio de Marrocos. O motor do seu Vanwall gripou e o lanzou contra as barreiras a gran velocidade, o seu coche incendiouse. Foi trasladado en avión ao Reino Unido, pero morreu no hospital a causa das queimaduras seis días despois do accidente. A súamorte ensombreceu a vitoria de Vanwall no Clasificación do Mundial de Construtores de 1958, un logro ao cal Lewis-Evans contribuíu significativamente. Vandervell nunca se recuperou completamente da morte de Lewis-Evans e retirouse do automobilismo a finais de 1958.

Rexistro de carreiras

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	Pos.	Puntos
1957	Connaught Engineering	Connaught Type B	Alta 4 en liña	ARX	MON 4										12º	5
	Vandervell Products Ltd.	Vanwall	Vanwall 4 en liña			500	FRA Ret	GBR 7	ALE Ret	PES 5	ITA Ret
1958	Vandervell Products Ltd.	Vanwall	Vanwall 4 en liña	ARX	MON Ret	NED Ret	500	BEL 3	FRA Ret	GBR 4	ALE NCG	POR 3	ITA Ret	MAR Ret	9º	11

Resultados na Fórmula 1 fora do campionato

(Clave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13
1956	Connaught Engineering	Connaught Type B	Alta 4 en liña	NZL	BUE	GLO	SYR	BAR	INT	NAP	AIN	VAN	CAE	SUS	BRS 2	AUS
1957	Connaught Engineering	Connaught Type B	Alta 4 en liña	BUE	SYR	PAU	GLV 1	NAP Ret
	Vandervell Products Ltd.	Vanwall	Vanwall 4 en liña						RMS 3	CAE	INT	MOD	MOR 2
1958	Connaught Engineering	Connaught Type B	Alta 4 en liña	BUE	GLV 5	SYR
	British Racing Partnership	Cooper T45	Climax 4 en liña				AIN 5	INT 7	CAE 5

Véxase tamén

Outros artigos

• Bernie Ecclestone

Ligazóns externas

• The 500 Owners Association
• Story of Lewis-Evans's first Grand Prix at 8W
• Career synopsis at gpracing.net
• Gallery of images at f1-facts.com Arquivado 25 de febreiro de 2017 en Wayback Machine.