Stjepan Bobek

Stjepan Bobek
Información persoal
Nome	Stjepan Bobek
Nacemento	3 de decembro de 1923 (99 anos)
Lugar de nacemento	Zagreb
Falecemento	22 de agosto de 2010
Lugar de falecemento	Belgrado
Posición	Dianteiro
Carreira sénior
Anos	Equipos	Aprs	(Gls)
1944-1945	Građanski Zagreb
1945-1959	FK Partizan	468	(425)
Selección nacional
1946-1956	Iugoslavia	63	(38)
Adestrador
1959	Legia Warszawa
1960-1963	FK Partizan
1963	Legia Warszawa
1963-1967	Panathinaikos
1967-1969	FK Partizan
1969-1970	Olympiacos FC
1970	Altay SK
1972	NK Dinamo Zagreb
1974-1975	Panathinaikos
1976-1978	Espérance Sportive de Tunis
1978-1981	FK Vardar
	FK Zemun
Na rede
Partidos e goles só en liga doméstica. [ editar datos en Wikidata ]

Stjepan Bobek, nado o 3 de decembro de 1923 en Zagreb, por aquel entón Reino de Iugoslavia, e finado o 22 de agosto de 2010 en Belgrado foi un xogador e adestrador de fútbol da RFS de Iugoslavia que xogaba na demarcación de dianteiro. En 1995 foi nomeado mellor xogador da historia do FK Partizan.

A nivel internacional é o máximo goleador da historia da Selección de fútbol de Iugoslavia con 38 goles, coa que foi dúas veces medalla de prata nos Xogos Olímpicos, en 1948 e 1952.

Traxectoria

Coma xogador

Comezou a xogar en equipos da súa cidade natal para debutar profesionalmente no Građanski Zagreb antes de fichar polo FK Partizan, equipo no que pasou os mellores ano da súa carreira e pasou á historia do club. No equipo serbio foi o máximo goleador da liga iugoslava en dúas ocasións, en 1945 e 1954 e estableceu o récord de goles nun só encontro da liga, anotando nove ante o 14. Oktobar Niš. Co equipo de Belgrado proclamouse campión dúas veces da Liga de Iugoslavia e catro da Copa.

Coa Selección de fútbol de Iugoslavia disputou dous Mundiais de fútbol, Brasil 1950 e Suíza 1954. Tamén participou nos Xogos Olímpicos de Londres 1948 e Helsinqui 1952, nos que o combinado gañou sendas medallas de prata, anotando Bobek catro e tres goles respectivamente.

Coma adestrador

Unha vez retirado comezou a súa carreira coma adestrador en Polonia, no Legia Warszawa, antes de volver ao ano seguinte a Iugoslavia para facerse cargo do FK Partizan, co que volvería gañar a Liga de Iugoslavia en tres ocasións. En 1963 foi substituído por Kiril Simonovski.

En 1964 fichou polo Panathinaikos FC co que tamén se proclamou campión da Liga do país, dúas veces, e da Copa, unha. En 1967 volveu ao FK Partizan e en 1970 regresou a Grecia, esta vez ao Olympiacos FC. En 1972 tivo unha breve experiencia no NK Dinamo Zagreb antes dun segundo período no Panathinaikos.

En 1978 fichou polo FK Vardar de Skopje, proclamándose campión da segunda división iugoslava e acadando o ascenso a Primeira

Palmarés

Coma xogador

FK Partizan

• Liga de Iugoslavia (2): 1946/47 e 1948/49.
• Copa de Iugoslavia (4): 1947, 1952, 1954 e 1957.

Selección de Iugoslavia

• Medalla de prata nos Xogos Olímpicos (2): 1948 e 1952.

Coma adestrador

FK Partizan

• Liga de Iugoslavia (3): 1960/61, 1961/62 e 1962/63.

Panathinaikos FC

• Liga de Grecia (2): 1963/64 e 1964/65.
• Copa de Grecia (1): 1967.

FK Vardar

• Segunda Liga de Iugoslavia (1): 1978/79.

Véxase tamén

Ligazóns externas

• Estatísticas do xogador (en inglés)
• Estatísticas coa selección Arquivado 02 de abril de 2015 en Wayback Machine. (en inglés)