GNK Dinamo Zagreb

Na Galipedia, a Wikipedia en galego.
(Redirección desde «NK Dinamo Zagreb»)
Dinamo Zagreb
NomeGrađanski nogometni klub Dinamo Zagreb
Fundación9 de xuño de 1945
EstadioMaksimir
Inauguración5 de maio de 1912
Capacidade38.923
PresidenteCroacia Mirko Barisic
AdestradorCroacia ?
LigaPrva HNL
2022–23
Na rede
http://gnkdinamo.hr/
Facebook: dinamo Twitter: gnkdinamo Instagram: gnkdinamo Editar o valor em Wikidata
Titular
Alternativo

O NK Dinamo Zagreb (en croata: Građanski Nogometni Klub Dinamo Zagreb) é un club de fútbol da cidade de Zagreb, Croacia. Fundouse en 1945 e mantén unha gran rivalidade co Hajduk Split, co cal disputa o Derbi Eterno de Croacia.

Trátase do actual campión da Prva HNL, Primeira División de Croacia.

Historia[editar | editar a fonte]

Despois da segunda guerra mundial, os tres equipos de fútbol de Zagreb (HAŠK, Građanski e Concordia) foron desmantelados e creouse un novo equipo a partir deses clubs, que chamouse Dinamo, o 9 de xuño de 1945. O novo equipo nutriuse principalmente de xogadores do Građanski (dirixidos polo seu anterior adestrador, Marton Bukovie) e comezou a xogar no antigo estadio do HAŠK. Posteriormente o equipo tomou as cores do Građanski e, desde 1969, un escudo similar ao dese antigo club.

Durante a época na que o equipo permaneceu na República Federal Socialista de Iugoslavia, o Dinamo Zagreb logrou catro Ligas de Iugoslavia (1948, 1952, 1958 e 1982), sete Copas de Iugoslavia (1951, 1960, 1963, 1965, 1969, 1980 e 1983), a Copa de Feiras 1966-67 e a Copa dos Balcáns de 1977.

Tras a independencia de Croacia en 1991, o equipo cambiou a súa denominación e pasou a chamarse HAŠK-Građanski, para en 1993 cambiar de novo o seu nome ao de Croacia Zagreb. O cambio de nome trataba de renegar de Iugoslavia, pero non contou co apoio dos seus seareiros, que continuaban chamando ao equipo Dinamo e vían o cambio como unha traizón á historia do club. Finalmente, no ano 2000 o club recuperou o nome NK Dinamo Zagreb.

Co nacemento da Prva HNL mantén unha rivalidade co Hajduk Split polo dominio dos campionatos nacionais. O club logrou 10 campionatos de Liga, 9 copas e 8 supercopas desde entón.

Estadio[editar | editar a fonte]

Artigo principal: Estadio Maksimir.

O NK Dinamo Zagreb xoga de local no estadio Maksimir, inaugurado en 1912 e con capacidade para 40.000 espectadores.

Véxase tamén[editar | editar a fonte]

Ligazóns externas[editar | editar a fonte]