Soccer City

Soccer City
Xohanesburgo
Instancia de estadio de fútbol estadio
Deporte fútbol rugby a 15
Persoas e organizacións
Operador/a Associação de Futebol da África do Sul (pt)
Ocupante Suráfrica Kaizer Chiefs Football Club (pt)
Propietario/a City of Johannesburg Metropolitan Municipality (en)
Arquitecto/a Boogertman & Partners
Enxeñeiro estrutural Schlaich Bergermann Partner (en)
Datas  Fundación / creación 1989  Inauguración 1989
Cronoloxía 2010 Mundial de Fútbol Suráfrica 2010
Dimensión Capacidade 94.736
Localización  Situado en Xohanesburgo, City of Johannesburg Metropolitan Municipality (en) , Gauteng, Suráfrica  Enderezo Stadium Ave., Nasrec, Johannesburg 2147, ZA Mapa  26°14′05″S 27°58′57″L
Fontes e ligazóns  Páxina WEB joburg.org.za…
Wikidata C:Commons

O Soccer City, chamado por motivos publicitarios FNB Stadium (First National Bank), é un estadio de fútbol localizado en Xohanesburgo, Suráfrica, que foi sede de partidos da Copa Mundial de Fútbol de 2010, entre os cales estiveron o partido inaugural e a gran final entre os Países Baixos e España.

Foi construído en 1987, e dispuña de 78.000 espectadores. Foi parcialmente demolido para o mundial de 2010, e a súa capacidade ampliada a 94.700 espectadores sentados, o que o converte no estadio máis grande de África. A maioría dos grandes acontecementos futbolísticos de Suráfrica desenvólvense no FNB, xa que se adapta mellor a estes eventos que o próximo Ellis Park, onde se disputou a final da Copa do Mundo de Rugby de 1995. Soweto e o Centro Nacional de Exposicións en Nasrec están nas súas proximidades. Unha vez remodelado, volveu ser sede de partidos internacionais da selección de fútbol de Suráfrica, disputando o primeiro deles contra Colombia, o 27 de maio de 2010.

Eventos

No Soccer City xogouse a final da Copa Africana de Nacións 1996, na que Suráfrica quedou campioa. Tamén foi escenario do primeiro discurso multitudinario de Nelson Mandela, tras a súa liberación en 1990. En 1993 celebráronse no estadio os funerais por Chris Hani, o líder do Partido Comunista de Suráfrica. Foi tamén o escenario para o funeral de Nelson Mandela o 10 de decembro de 2013, cinco días despois do seu falecemento.

Copa do Mundo 2010

Artigo principal: Copa Mundial de Fútbol de 2010.

Soccer City albergará o 11 de xuño de 2010 o partido inaugural do campionato, entre a elección do país anfitrión e a selección de México, e despois catro da primeira rolda, un de oitavos de final, outro de cuartos de final e a gran final. O estadio someteuse a unha importante renovación para o torneo, cun novo deseño inspirado na cerámica tradicional africana. O nivel superior estenderase en todo o estadio para aumentar a capacidade a 94.700 espectadores, con 99 suites executivas. Inclúe a construción dunha cuberta elíptica, novas instalacións de vestiarios e nova iluminación. As obras foron adxudicadas ao consorcio Grinaker-LTA, e comezaron en febreiro de 2007. En xullo de 2009, o estadio estaba practicamente completado, faltando só por plantar o céspede, culminando as obras en decembro de 2009.

Partidos

Soccer City albergou durante o campionato oito encontros (incluíndo o partido inaugural e a final): cinco encontros da fase de grupos, un de oitavos de final, un de cuartos e a final. Os partidos foron os seguintes:

Data	Fase	Equipo		Resultado		Equipo	Espectadores
11 de xuño	Primeira rolda	Suráfrica		1 - 1		México	84.490
14 de xuño	Primeira rolda	Países Baixos		2 - 0		Dinamarca	83.465
17 de xuño	Primeira rolda	Arxentina		4 - 1		Corea do Sur	82.174
20 de xuño	Primeira rolda	Brasil		3 - 1		Costa do Marfil	84.455
23 de xuño	Primeira rolda	Ghana		0 - 1		Alemaña	83.391
27 de xuño	Oitavos de final	Arxentina		3 - 1		México	84.377
3 de xullo	Cuartos de final	Uruguai		1 - 1		Ghana	84.017
11 de xullo	Final	Países Baixos		0 - 1		España	84.490

Véxase tamén

Outros artigos

• Copa Mundial de Fútbol de 2010

Ligazóns externas

• Sitio web oficial Arquivado 06 de febreiro de 2010 en Wayback Machine.
• Soccer City en Google Maps