Sebastián Losada
Losada | |||
---|---|---|---|
Información persoal | |||
Nome | Sebastián Losada Bestard | ||
Nacemento | 3 de setembro de 1967 | ||
Lugar de nacemento | Madrid | ||
Altura | 180 centímetros | ||
Posición | Dianteiro | ||
Carreira xuvenil | |||
1984-1987 | Real Madrid | ||
Carreira sénior | |||
Anos | Equipos | Aprs | (Gls) |
1987–1988 | RCD Espanyol (cedido) | 33 | (11) |
1988-1991 | Real Madrid | 47 | (20) |
1991-1992 | Atlético de Madrid | 12 | (1) |
1992-1993 | Sevilla FC | 3 | (0) |
1993-1995 | Celta de Vigo | 53 | (12) |
Selección nacional | |||
1995 | España | 1 | |
Na rede | |||
![]() ![]() | |||
Partidos e goles só en liga doméstica. [ editar datos en Wikidata ] | |||
Sebastián Losada Bestard, nado o 3 de setembro de 1967 en Madrid é un exfutbolista que xogaba na demarcación de dianteiro.
Traxectoria
[editar | editar a fonte]Formouse nas categorías inferiores do Real Madrid, con cuxo primeiro equipo chegou a debutar o 9 de setembro de 1984, con 17 anos. Porén ante a falta de oportunidades foi cedido ao RCD Espanyol, onde foi subcampión da Copa da UEFA na tempada 1987/88 nunha final agónica a dous encontros ante o Bayer Leverkusen, na que tras marcar dous goles no partido de ida errou o penalti decisivo tras o empate final.
Ao finalizar a cesión volveu ao Real Madrid, onde militou tres tempadas sen moitas oportunidades para xogar. En 1991 fichou polo Atlético de Madrid, mais tampouco xogou moito e marchou do club antes de finalizar a primeira tempada tras varios enfrontamentos co presidente, Jesús Gil.
Tras un breve paso polo Sevilla FC, onde compartiu equipo con Diego Armando Maradona, fichou polo Celta de Vigo en 1993, co equipo vigués chegaría á final da Copa do Rei en 1994.
Tras finalizar contrato co Celta en 1995 retirouse do fútbol para adicarse á súa carreira de avogado. No ano 2004 presentouse como candidato a presidir a Real Federación Española de Fútbol, pero non recibiu ningún voto.
Coa selección de fútbol
[editar | editar a fonte]Foi un habitual das categorías inferiores da Selección de fútbol de España, coa Sub-20 disputou o Mundial de Rusia chegando ata a final, encontro que perdería ante o Brasil, porén foi o máximo goleador do campionato e membro do once ideal.
O 18 de xaneiro de 1995, ano da súa retirada, debutou coa selección absoluta, nun encontro ante Uruguai.
Palmarés
[editar | editar a fonte]- 2 Ligas co Real Madrid: 1988/89 e 1989/90
- 1 Copa do Rei co Real Madrid: 1988/89
- 1 Copa do Rei co Atlético de Madrid: 1991/92
- 1 Copa da UEFA co Real Madrid: 1984/85
- 1 Copa da Liga co Real Madrid: 1984/85
- 3 Supercopas co Real Madrid:1988/89, 1989/90 e 1990/91
- Nados en Madrid
- Nados en 1967
- Dianteiros de fútbol
- Futbolistas da Comunidade de Madrid
- Xogadores do Real Madrid Castilla
- Xogadores do Real Madrid CF
- Xogadores do RCD Espanyol
- Xogadores do Atlético de Madrid
- Xogadores do Sevilla FC
- Xogadores do Celta de Vigo
- Xogadores da selección de fútbol de España sub-21
- Xogadores da selección de fútbol de España
- Xogadores do Celta de Vigo internacionais coa selección de fútbol de España