República Socialista Soviética Bielorrusa

Беларуская Савецкая Сацыялістычная Рэспубліка República Socialista Soviética Bielorrusa
↓ 1920–1991 ↓
Bandeira Escudo
Lema: Пралетарыі ўсіх краін, яднайцеся! Traballadores do mundo, unídevos!
Himno: Himno da República Socialista Soviética Bielorrusa
Situación dentro da Unión Soviética
Capital	Minsk
Lingua	Belaruso · Ruso Linguas minoritarias: Polaco · Ucraíno · Yiddish
Goberno	Unitario Marxista-Leninista unipartidista Soviético-socialista
Primeiro Secretario
• 1920–1923 (primeiro)	Vilgelm Knorinsh
• 1990–1991 (último)	Anatoĺ Malafiejeŭ
Período histórico	Século XX
• Proclamación da república soviética	1920
• Declaración da república	1 de xaneiro de 1919
• Admisión na URSS	30 de decembro de 1922
• Declaración de soberanía	27 de xullo de 1990
• Declaración de independencia	25 de agosto de 1991
• Recoñecemento internacional	1991
Superficie
• 1989	207.600 km²
Poboación
• 1989 est.	10.199.709
Densidade	49,1/km²
Moeda	Rublo soviético (руб) (SUR)
Precedido por Sucedido por República Socialista Soviética Lituano-Bielorrusa Segunda República Polaca Reichskommissariat Ostland Bezirk Bialystok Reichskommissariat Ukraine Reichskommissariat Ostland Bezirk Bialystok Reichskommissariat Ukraine República Popular Polaca Belarús

A República Socialista Soviética Bielorrusa (Беларуская Савецкая Сацыялістычная Рэспубліка) foi un dos membros fundadores da Unión de Repúblicas Socialistas Soviéticas en 1922, xunto á RSS de Ucraína, a RSSF Transcaucásica e a RSSF de Rusia. Tamén foi coñecida co nome de Rusia Branca.

A capital da República era Minsk. A República Socialista Soviética Bielorrusa foi creada o 1 de xaneiro de 1919.

Historia

Parte do Imperio Ruso antes da primeira guerra mundial, Belarús declarou a súa independencia o 25 de marzo de 1918, formando a República Nacional de Belarús. A república tivo, de todas formas, unha curta vida, e o réxime foi derrocado trala retirada alemá. En 1919 Belarús converteuse na República Socialista Soviética Bielorrusa, e "ingresou" na República Socialista Soviética Lituano-Bielorrusa. Trala guerra polaco-soviética rematada en 1921, as terras de Bielorrusa foron divididas entre Polonia e a RSS Bielorrusa, que converteuse nun membro fundador da URSS en 1922. En setembro de 1939, a Unión Soviética anexionouse a Belarús polaca como resultado do Pacto de Molotov-Ribbentrop.

Trala segunda guerra mundial, a RSS Bielorrusa obtivo voz na Asemblea Xeral da ONU xunto á Unión Soviética e a RSS de Ucraína, converténdose nun dos membros fundadores da ONU.

Tralo Golpe de Estado de Agosto, o Soviet Supremo de Bielorrusa declarou a independencia da URSS o 25 de agosto de 1991. A república cambiou o nome polo de República de Bielorrusia o 19 de setembro de 1991. O 8 de decembro de 1991 foi asinante, xunto a Rusia e Ucraína, dos Acordos de Belavezha, que substituíron á URSS pola Comunidade de Estados Independentes (CEI).