Na Galipedia, a Wikipedia en galego.
O río Slaney (en irlandés Abhainn na Sláine) é un río que flúe ó longo de 117 km polo sueste de Irlanda. Nace no monte Lugnaquilla, nas montañas Wicklow, e atravesa os condados de Wicklow, Carlow e Wexford antes de desembocar finalmente no canal de San Xurxo, no mar de Irlanda e preto da vila de Wexford.
O río e as súas ribeiras son fogar de numerosas especies animais entre as que destacan cisnes, merlos acuáticos, lavancos, garzas reais, picapeixes, lontras, gaivotas choronas, bufos, curuxas, morcegos e cervos. Tamén abundan as troitas e os salmóns.
Irlanda
