A orde Phoenicopteriformes foi durante moito tempo problemática. Tradicionalmente, as aves zancudas foron clasificadas na orde Ciconiiformes, e os flamengos incluíanse nel como familiaPhoenicopteridae, sendo a familia Threskiornithidae considerada como a máis próxima aos Phoenicopteridae. No entanto, consideráronse tamén relacións cos Anseriformes.
Para reflectir a incerteza sobre esta materia, os flamengos comezaron a ser postos despois nunha orde de seu. Algúns científicos propuxeron que os flamengos estaban máis estreitamente vencellados coa familia Recurvirostridae.
En anos recentes, os estudos de ADN tiveron os resultados insospeitados: Sibley & Monroe puxo os flamengos dentro de Ciconiiformes. Máis recentemente, clasificáronos preto dos Podicipedidae, indicándoos como os parentes máis íntimos dos flamengos nos estudos de ADN. Se as dúas familias vanse poñer xuntas nunha orde ou se van ficar separadas é incerto.
Tradicionalmente, todas as especies estaban clasificadas no xénero Phoenicopterus, pero nas clasificacións máis modernas distínguense tres xéneros, como se pode ver no seguinte cladograma, que mostra as relacións filoxenéticas entre as seis especies existentes, baseado nun estudo de Roberto Frias-Soler e colaboradores publicado en 2022.[1]
Os flamengos aliméntanse por filtración de crustáceos e algas. Os seus peteiros adaptáronse para separar a lama da comida que eles consomen, e úsase senlleiramente ao revés. A filtración de comida axúdase por estruturas filamentosas chamadas lamelas, pequenas láminas que están nas mandíbulas, e unha lingua áspera e grande.
Os flamengos novos saen das casca coa plumaxe branca, sendo as plumas dun adulto rosa a vermello luminoso, debido a carotenoides obtidos da súa subministración de comida. Un flamengo que se alimenta ben e saudable é rosa luminoso ou vermello. O flamengo máis rosa é o máis desexable como un compañeiro. Un flamengo branco ou pálido, está normalmente enfermo ou sufrido de falta de comida.
As especies seguintes clasificadas todas tradicionalmente no xénero Phoenicopterus, actualmente dividido en tres xéneros, que compoñen a familia Phoenicopteridae, a única da orde:
↑Frias-Soler, R.C.; Bauer, A.; Grohme, M.A.; Espinosa López, G.; Gutiérrez Costa, M.; Llanes-Quevedo, A.; Van Slobbe, F.; Frohme, M.; Wink, M. (2022). "Phylogeny of the order Phoenicopteriformes and population genetics of the Caribbean flamingo (Phoenicopterus ruber: Aves)". Zoological Journal of the Linnean Society196 (4): 1485–1504. doi:10.1093/zoolinnean/zlac040.
