Michelle Bachelet

Na Galipedia, a Wikipedia en galego.
Michelle Bachelet Jeria
Michelle Bachelet

Actualmente no cargo
Dende o 11 de marzo de 2014
Precedido por Sebastián Piñera Echenique

11 de marzo de 2006 – 11 de marzo de 2010
Precedido por Ricardo Lagos Escobar
Sucedido por Sebastián Piñera Echenique

UN emblem blue.svg
Directora executiva de ONU Mulleres
Secretaria xeral adxunta da ONU
14 de setembro de 2010 – 15 de marzo de 2013
Precedido por Creación do cargo
Sucedido por Phumzile Mlambo-Ngcuka

Emblem of the Union of South American Nations.svg
Presidenta pro tempore da Unasur
23 de maio de 2008 – 10 de agosto de 2009
Precedido por Creación do cargo
Sucedido por Rafael Correa Delgado

Flag of the Minister of Defence of Chile.svg
Ministra da Defensa Nacional de Chile
7 de xaneiro de 2002 – 29 de setembro de 2004
Presidente Ricardo Lagos Escobar
Precedido por Mario Fernández Baeza
Sucedido por Jaime Ravinet de la Fuente

Ministra de Saúde de Chile
11 de marzo de 2000 – 7 de xaneiro de 2002
Presidente Ricardo Lagos Escobar
Precedido por Álex Figueroa Muñoz
Sucedido por Osvaldo Artaza Barrios

Datos persoais
Nacemento 29 de setembro de 1951
Santiago, Chile
Partido Partido Socialista de Chile
Pais Alberto Bachelet Martínez
Ángela Jeria Gómez
Cónxuxe Jorge Dávalos Cartes (1979–1984)
Fillos Sebastián Dávalos e dúas fillas
Profesión Médico
Alma mater Universidade de Chile
Sinatura Sinatura de Michelle Bachelet
Sitio web Sitio web

Verónica Michelle Bachelet Jeria, nada en Nuñoa (Santiago) o 29 de setembro de 1951, é unha médico e política chilena, actual presidenta da República de Chile desde o 11 de marzo de 2014. Bachelet xa ostentara a presidencia do país entre o 11 de marzo de 2006 e o 11 de marzo de 2010. Tamén foi a primeira presidenta pro tempore de UNASUR, e a primeira encargada de ONU Mulleres, axencia das Nacións Unidas para a igualdade de xénero.

Filla de Alberto Bachelet, xeneral de brigada da Forza Aérea de Chile e membro do goberno da Unidad Popular liderado por Salvador Allende, Michelle Bachelet estudou medicina na Universidade de Chile, período en que ingresou nas filas do Partido Socialista. Tras o golpe de Estado do 11 de setembro de 1973, o seu pai foi detido pola ditadura militar, falecendo en prisión, e Michelle xunto coa súa nai, Ángela Jeria, pasou á clandestinidade. En 1975 ambas foron detidas en Villa Grimaldi polos organismos represivos da ditadura, antes de partir ao exilio.

En 1979 regresou ao país e sumouse a diversos movementos contrarios á ditadura de Augusto Pinochet. Co retorno da democracia, Bachelet desenvolveu unha carreira política de baixo perfil, que cambiaría radicalmente ao asumir como ministra de Saúde durante o goberno de Ricardo Lagos Escobar en 2000. En 2002, asumiu como ministra de Defensa, sendo a primeira muller do país e de Iberoamérica en ocupar dito posto.[1] Nesa posición, Bachelet convertiuse nunha figura de gran popularidade sendo designada posteriormente como candidata presidencial da Concertación de Partidos por la Democracia para as eleccións presidenciais de 2005, as cales gañou o 11 de decembro dese ano e o 11 de xaneiro de 2006 en primeira e segunda volta, respectivamente.

A elección de Bachelet como presidenta de Chile marcou un dos maiores fitos na historia republicana do país ao ser a primeira muller electa para exercer o máximo cargo gobernamental. Pese ás altas cifras de aprobación e popularidade ao iniciar o seu mandato, ao termo da que se chamou «lúa de mel», Bachelet debeu afrontar unha serie de diversos conflitos, de entre os cales sobresaen a Revolución pingüina —iniciada a menos de dous meses de comezar o seu goberno— e a crise do Transantiago —ao ano seguinte—, que xeraron fortes divisións e crises na coalición de goberno como así mesmo durísimas críticas e reproches por parte da oposición. Porén, ao empezar a segunda metade do seu mandato, o «sello social» dos dous restantes anos —que permitiu unha importante reforma ao sistema previsional— e a ben avaliada xestión da crise económica mundial de 2008, permitiu que Bachelet repuntara as súas cifras de popularidade, alcanzando cifras históricas de apoio a nivel latinoamericano;[2] no plano internacional, Bachelet foi avaliada entre as mulleres máis poderosas e influíntes do mundo.[3][4][5] A poucas semanas do termo do seu goberno, en febreiro de 2010, tivo que afrontar un terremoto de magnitude 8,8 que azotou a zona centro sur do país, que produciu, ademais, un forte tsunami que impactou as costas chilenas. Ambos eventos destrutivos deixaron un saldo de 525 persoas mortas e 25 desaparecidas.

Tras o seu mandato, Bachelet asumiu como secretaria xeral adxunta das Nacións Unidas, coa fin de encargarse e desempeñar a dirección executiva da recén creada axencia ONU Mulleres.[6][7] Sen embargo, a ex-presidenta mantívose como unha das figuras políticas mellor avaliadas pola cidadanía chilena,[8][9] o que motivou o seu regreso ao país en marzo de 2013 para convertirse novamente en candidata á presidencia.[10] Elixida en primarias como candidata do pacto Nueva Mayoría —conformada pola ex-Concertación e outros partidos de esquerda—,[11] Bachelet obtivo unha ampla maioría dos votos nas eleccións presidenciais de 2013 e foi reelecta para un segundo período, o que iniciou o 11 de marzo de 2014.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Wikimedia Commons ten máis contidos multimedia na categoría: Michelle Bachelet Modificar a ligazón no Wikidata
Presidente de Chile

Segue a:
Ricardo Lagos Escobar
Michelle Bachelet
Precede a:
Sebastián Piñera
Partido Socialista de Chile