Luc Besson

Na Galipedia, a Wikipedia en galego.
Luc Besson
Nome completoLuc Paul Maurice Besson
Nacemento18 de marzo de 1959
Lugar de nacementoParís
NacionalidadeFrancia
Ocupaciónprodutor de cinema, director de cinema, guionista, actor, escritor de literatura infantil, montador, produtor delegado e realizador
CónxuxeAnne Parillaud, Milla Jovovich, Virginie Silla e Maïwenn
FillosJuliette Besson, Shanna Besson, Talia Besson, Satine Besson e Mao Besson
Coñecido porLéon e Arthur et les Minimoys
PremiosCésar de melhor realizador, Inkpot Award e Sitges Film Festival Best Director award
Na rede
http://www.lucbesson.fr/
IMDB: nm0000108 Allocine: 626 Rottentomatoes: celebrity/luc_besson Allmovie: p81731 TCM: 15481 Metacritic: person/luc-besson TV.com: people/luc-besson
Facebook: LucBessonOfficial Twitter: lucbesson Musicbrainz: 02b643d9-310d-4cb9-8581-b420f3683c15 Discogs: 440414 WikiTree: Besson-41 Editar o valor em Wikidata
editar datos en Wikidata ]
Luc Besson

Luc Paul Maurice Besson, nado o 18 de marzo de 1959 en París, Francia, é un director, guionista e produtor francés de cinema. Entre as súas obras destacan Le Grand Bleu, Nikita, Léon, Le Cinquième Élément e Arthur et les Minimoys. Ten no seu haber numerosos premios de cinema tanto franceses como internacionais.

Traxectoria[editar | editar a fonte]

Fillo dun matrimonio de monitores de submarinismo, criouse en Iugoslavia e Grecia. Por mor dun accidente de mergullo tivo que abandonar a idea de se converter en biólogo mariño e decidiu dedicarse ao cinema.

Despois de traballar coma asistente de dirección e de dirixir catro curtametraxes, debutou coma director en 1982 con Le dernier combat, un drama visual apocalíptico carente de diálogos ao longo de toda a cinta. En 1985 dirixiu o filme de xénero policiaco Subway, con Christopher Lambert e Isabelle Adjani coma protagonistas. Posteriormente rodou Le Grand Bleu en 1988, filme que trata sobre a apnea e que, a pesar de ser rexeitado maioritariamente pola crítica, se converteu nun filme de culto[Cómpre referencia].

En 1991 traballou con Anne Parillaud en Nikita, unha longametraxe sobre unha criminal que recibe formación por parte dos servizos secretos para devir unha asasina; o seu éxito nos Estados Unidos foi tal que o director John Badham rodou en 1993 unha segunda versión co título A asasina. O seu documental mariño Atlantis, de 1991, causou unha grande impresión pola calidade da súa fotografía[Cómpre referencia].

Besson traballou en numerosas producións co actor francés Jean Reno, quen interpretou entre outros o papel principal en Léon (1994), filme que supuxo o descubrimento de Natalie Portman. Igualmente, Besson destaca pola colaboración que fai nas bandas sonoras xunto a Eric Serra, quen compón a música para as súas obras. A custosa produción de ciencia ficción Le Cinquième Élément, de 1997, con Bruce Willis e Milla Jovovich nos papeis principais, foi un grande éxito de público. En 1999 rodou Jeanne d'Arc, unha película de corte histórico que recrea a vida da Doncela de Orleáns.

Co filme Arthur et les Minimoys, de 2006, Besson rodou a historia de catro volumes que el mesmo escribiu. Na versión inglesa contou coas voces de Madonna, Snoop Dogg e David Bowie, entre outros. En 2007 escribiu o guión de Taxi 4 e participou coma produtor no filme Flora Plum (2010), dirixido por Jodie Foster.

No ano 2000 fundou a empresa Europacorp para producir e distribuír filmes a nivel internacional.

Filmografía[editar | editar a fonte]

Coma director[editar | editar a fonte]

Coma produtor[editar | editar a fonte]

Videoclips[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]