Liubliana

Na Galipedia, a Wikipedia en galego.

Coordenadas: 46°03′20″N 14°30′30″E / 46.05556°N 14.50833°E / 46.05556; 14.50833

Liubliana
Ljubljana (en esloveno)
Flag of Ljubljana.svg Blason ville si Ljubljana (Slovénie).svg
Ljubljana Montage.png
Vistas da cidade
Situación xeográfica
Liubliana en Eslovenia
Liubliana
Liubliana
País Flag of Slovenia.svg Eslovenia
Concello Cidade de Liubliana
Xeografía
Altitude 295 msnm
Superficie 163,8 km²
Poboación
Poboación 274.826 hab. (2013)
Densidade 1.678 hab/km²
Información
Código postal 1000
Alcalde Zoran Janković (PS)
Páxina web Páxina oficial de Liubliana

Liubliana[1] (en esloveno: Ljubljana, literalmente: A cidade que se ama, en alemán: Laibach, en italiano: Lubiana) é a capital de Eslovenia, situada entre os ríos Ljubljanica e Sava. A súa poboación é de 310.000 habitantes.

Historia[editar | editar a fonte]

Aínda que xa os romanos a chamaron Emona (Colonia Emona (Æmona) Iulia trubu Claudia) e que fora erixida no s. XV a.C., o seu nome actual non é mencionado por primeira vez ata 1144 (baixo o nome alemán de Laibach) e en 1146 (co nome de Luwigana).

Despois de ter sido recoñecida como cidade en 1220, Liubliana pasou a formar parte do imperio dos Habsburgo en 1335. Converteuse no centro dunha diocese en 1461 e desenvolveu unha cultura eslovena durante a Idade Media. Os Habsburgo de Austria gobernaron a rexión cunha interrupción debida ás guerras napoleónicas. Entre 1809 e 1813 Liubliana foi a capital das provincias ilirias pertencentes ao Primeiro Imperio francés. En 1821 a cidade acolle o congreso de Laibach.

Coa coalición de croatas e serbios en 1918, Liubliana converteuse no centro da Dravska banovina (o dominio do ban do Drava e, despois da Segunda Guerra Mundial, a capital da república iugoslava de Eslovenia. Liubliana seguiu sendo a capital eslovena despois da independencia desta república en 1991.

Liubliana foi moitas veces devastada por tremores de terra. Despois do sismo de 1511 foi reconstruída segundo o modelo dunha cidade renacentista e despois do de 1895, que danou seriamente a cidade, foi novamente reconstruída seguindo esta vez o estilo neoclásico.

A arquitectura da cidade é pois unha mistura de estilos. As grandes estruturas da cidade construídas despois da Segunda Guerra Mundial están caracterizadas polo traballo do arquitecto esloveno Jože Plečnik.


En 1693, unha sociedade científica chamada Academia operosorum labacensis estableceuse en Liubliana e en 1701 unha sociedade filharmónica (Academia philharmonicorum). Finalmente, en 1919 Liubliana foi dotada dunha universidade e en 1937, a academia nacional das ciencias e das artes foi fundada.

Transportes[editar | editar a fonte]

  • A flota de autobuses é moderna. Os buses son coñecidos como troles, desde o tempo en que Liubliana tiña un servizo de trolebús. En 2005, a tarificación non permitía coller dous buses ou más co mesmo billete.
  • Non ten metro
  • A rede de taxis é parecida á de calquera cidade europea

Cidades irmás[editar | editar a fonte]

Notas[editar | editar a fonte]

  1. Goretti Sanmartín Rei et al. Criterios para o uso da lingua. Servizo de Normalización Lingüística, Universidade da Coruña. p. 124. ISBN 84-9749-199-8. http://www.udc.es/publicaciones/documentos/biblioteca/CriteriosParaUsoDaLingua.pdf. 

Véxase tamén[editar | editar a fonte]

Commons
Commons ten máis contidos multimedia sobre: Liubliana

Ligazóns externas[editar | editar a fonte]