La Voz de Galicia

La Voz de Galicia
	; Portada do 30 de xuño de 1901.
Tipo	información xeral
Cor	cor e branco e negro
Fundación	4 de xaneiro de 1882 (142 anos)
Empresa editora	La Voz de Galicia, S.A.
Propietario	Fundación Santiago Rey Fernández-Latorre
Director	Xosé Luis Vilela
Fundador	Juan Fernández Latorre
Editor	Lois Blanco
Tendencia	conservadorismo, rexionalismo galego
Lingua	castelán
Ámbito	nacional (Galiza)
Impresión	Sabón, Arteixo
Periodicidade	diaria
Prezo	1,50€ durante a semana
Seccións	España, Mundo, Comarcal, Opinión, Deportes, Cultura, Tecnoloxía, Xente, Galicia
ISSN	1888-5160
Na rede
	http://www.lavozdegalicia.es/
	[ editar datos en Wikidata ]

Para outras páxinas con títulos homónimos véxase: La Voz de Galicia (homónimos).

La Voz de Galicia é un xornal galego con sede no polígono de Sabón (Arteixo), redactado maioritariamente en castelán, fundado no ano 1882 por Juan Fernández Latorre.^[2] É a cabeceira hexemónica en Galicia co 63% da cota do mercado.^[3] La Voz de Galicia fíxose un oco a nivel estatal e converteuse no terceiro diario de información xeral de España tanto en difusión como en audiencia con 395.000 lectores no estado, segundo datos da segunda onda do Estudio General de Medios de 2024.^[4] A propiedade da empresa editora, La Voz de Galicia Sociedad Anónima, mantívose sempre nas mans da mesma familia ata a morte do seu accionista maioritario e único Santiago Rey Fernández-Latorre, neto de Juan Fernández Latorre, momento no que pasou á Fundación Santiago Rey Fernandez-Latorre.^[5]

Historia e evolución

Segundo datos da Oficina de Xustificación da Difusión (OJD), La Voz de Galicia tivo unha tirada media diaria, no período comprendido entre xaneiro e decembro de 2017 de 74.602 exemplares, cunha difusión de 65.390,^[6] o que representou un descenso sobre os datos do ano 2005, no que tivera unha difusión de 119.615 e 103.399 exemplares, respectivamente. No ano 2006, a edición dominical do diario tivo unha tirada de 160.400 exemplares, de media, e unha difusión de 138.970. La Voz de Galicia é un xornal coñecido en Galicia pola súa difusión sendo moi superior ás súas vendas xa que está presente en moitos lugares públicos: institucións, bancos, centros de hostalería, locais sociais etc.

A cabeceira da Corporación Voz ten a súa sede e redacción na Coruña e rotativa en Sabón (Arteixo), inaugurada en 1992. O grupo ademais do citado xornal é propietario de emisoras de radio (RadioVoz) que dan cobertura a toda Galicia, unha produtora audiovisual (Voz Audiovisual), unha empresa de estudos de sondaxe de opinión (Sondaxe), unha distribuidora (Distribuidora Gallega de Publicaciones) e unha planta de impresión (Galicia Editorial). La Voz de Galicia tamén tivo proxectos para expandirse fóra de Galiza, así creou edición nacional en Madrid e as súas emisoras de radio estiveron a emitir programación con grupos como Antena 3.

Presidentes

Dende a súa fundación, tivo sete presidentes:^[7]

Juan Fernández Latorre (1882-1912)
José María Ozores de Prado (1912-1927)
José Fernández-España y Vigil (1927-1927)
Enrique de la Torre Gosálvez (1927-1946)
Emilio Rey Romero (1946-1987)
Emilio Rey Fernández-Latorre (1987-1988)
Santiago Rey Fernández-Latorre (1988-2024).
Lois Blanco Penas (2024)

Edicións locais

O modelo de edicións que caracteriza a La Voz comezou a xestarse na década de 1960 coa idea non só de achegar información local, achegando tamén a cada comarca as súas novas. Nesa época estaban a xurdir xornais nas cidades centrados en informar no ámbito local e ían pechando outros ao tempo. As preto de 60 páxinas do corpo central, con portada en cor e un número variable no interior de páxinas en cor, conteñen unha escolma de novas de ámbito xeral, mentres que un caderno pequeno de doce a dezaseis páxinas intercala en cada edición, ofrecendo aos lectores a información máis próxima, á súa cidade, comarca ou provincia. Cada comarca recibe así un pequeno xornal co título de La Voz de, e o nome da comarca. A información complétase con colaboradores locais.

As seccións reciben os nomes das principais comarcas de Galiza:

O uso do galego no xornal está limitado a novas concretas sobre temas galegos e ao uso que del fan colaboradores habituais ou artigos de opinión de xornalistas, políticos ou xente da cultura.

Edición dixital

La Voz de Galicia iniciou a súa edición dixital o 17 de maio de 2000.^[8] Dende os seus inicios a páxina foi unha das máis seguidas en Galiza entre os xornais informativos. Foi ampliando contidos, nos inicios limitábase a ofrecer un resumo das novas máis destacadas do xornal e algunha información local. Existe unha versión de pago con acceso a todo o contido do xornal. La Voz de Galicia ten rexistrados en Internet lavozdegalicia.es, lavozdegalicia.com, lavoz.com e avoz.com. Na páxina web, ademais de en castelán, pódense consultar os contidos en galego por obra dun tradutor automático.

En decembro de 2015, a edición dixital superaba os 8,5 millóns de usuarios mensuais.^[2]

Notas

↑ Conta con versión en galego procedente dun tradutor automático [1] e algunhas novas e artigos aparecen orixinalmente nesta lingua.
↑ ^2,0 ^2,1 Rey Fernández-Latorre, Santiago (2016). Yo protesto. Col. Biblioteca Gallega. A Coruña: La Voz de Galicia. pp. 7–8.
↑ "La Voz incrementa su influencia en Galicia y alcanza el 63 % de cuota de mercado". La Voz de Galicia (en castelán). 2024-07-02. Consultado o 2024-10-28.
↑ "Segundo EGM de 2024: Segundo EGM de 2024: Televisión recupera la segunda posición". Reason Why (en castelán). Consultado o 2024-10-28.
↑ La Región (2024-09-19). "La Fundación Santiago Rey Fernández-Latorre hereda la Corporación Voz". La Región (en castelán). Consultado o 2024-10-21.
↑ "OJD" (en castelán). Consultado o 2024-01-29.
↑ R.A.C. (28 de agosto de 2024). "Muere Santiago Rey Fernández-Latorre, editor de La Voz de Galicia". elcorreogallego.es (en castelán). Consultado o 28 de agosto de 2024.
↑ EFE/Redacción (18 de maio de 2000). ""La Voz de Galicia" ofrece en Internet su edición digital". www.elmundo.es. Consultado o 29 de xaneiro de 2024.

Véxase tamén

Bibliografía

García González, Aurora (2009). Historia de la empresa de la Voz de Galicia (en castelán). LibrosEnRed. ISBN 9781597544641.
López García, Xosé; et al. (2001). La prensa diaria en Galicia (1976-2000) (en castelán). Universidade de Santiago de Compostela. ISBN 84-8121-891-X.
Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X.

Outros artigos

Ligazóns externas

Este artigo sobre xornalismo é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Conta con versión en galego procedente dun tradutor automático [1] e algunhas novas e artigos aparecen orixinalmente nesta lingua.

[:0-2] 2,0 ^2,1 Rey Fernández-Latorre, Santiago (2016). Yo protesto. Col. Biblioteca Gallega. A Coruña: La Voz de Galicia. pp. 7–8.

[3] "La Voz incrementa su influencia en Galicia y alcanza el 63 % de cuota de mercado". La Voz de Galicia (en castelán). 2024-07-02. Consultado o 2024-10-28.

[4] "Segundo EGM de 2024: Segundo EGM de 2024: Televisión recupera la segunda posición". Reason Why (en castelán). Consultado o 2024-10-28.

[5] La Región (2024-09-19). "La Fundación Santiago Rey Fernández-Latorre hereda la Corporación Voz". La Región (en castelán). Consultado o 2024-10-21.

[6] "OJD" (en castelán). Consultado o 2024-01-29.

[7] R.A.C. (28 de agosto de 2024). "Muere Santiago Rey Fernández-Latorre, editor de La Voz de Galicia". elcorreogallego.es (en castelán). Consultado o 28 de agosto de 2024.

[8] EFE/Redacción (18 de maio de 2000). ""La Voz de Galicia" ofrece en Internet su edición digital". www.elmundo.es. Consultado o 29 de xaneiro de 2024.

[1]

[2]

[3]

[4]

[5]

[6]

[7]

[8]